Тұрақта тұрған көлік зақымданды: Астанада патруль көлігі жол-көлік оқиғасына тап болды (видео)

Астанада Hyundai Tucson мен Chevrolet Cobalt соқтығысты. Көліктердің бірі жолдан ұшып барып, тұрақта тұрған көлікті соқты, деп хабарлайды KAZ.NUR.KZ.

Астанада полиция көлігі жол-көлік оқиғасына тап болды. Апат болған жерден кадрлар 27 қазанда Instagram-дағы sergekastana парақшасында жарияланды.

"Патруль көлігі Chevrolet Cobalt-пен соқтығысып, салдарынан ол ұшып барып тағы бір көлікке соғылды" - делінген жазбада.

Астана қалалық полиция департаменті апаттың 26 қазанда болғанын хабарлады.

"26 қазанда кешкі уақытта Hyundai Tucson көлігінің жүргізушісі солға бұрылар кезде қарсы келе жатқан Chevrolet Cobalt-ке жол бермей онымен соқтығысты. Соққыдан кейін Chevrolet Cobalt қоршау мен тұрақта тұрған көлікке соғылды. Зардап шеккендер жоқ. Аталған факті бойынша тексеріс жүргізіліп жатыр", - деп хабарлады ведомстводағылар.

Посмотреть эту публикацию в Instagram

Публикация от Сергек Астана (@sergekastana)

Мәтіннен қате тапсаңыз, бізге жазыңыз