Ақмола облысында жол апатынан үш адам қаза тапты

Ақмола облысында, Астана – Петропавл автожолында қайғылы оқиға салдарынан үш адам қаза тапты: екеуі оқиға орнында көз жұмды, ал біреуі ауруханада қайтыс болды, деп хабарлайды KAZ.NUR.KZ.

Оқиға орнында түсірілген кадрлар Instagram желісіндегі shchuchinsk_life2 парақшасында жарияланды. Кадрлардан жолда зақымданған көліктердің тұрғанын көруге болады, біреуі аударылып қалған.

Полиция департаменті оқиғаның мән-жайын хабарлады.

Жол апаты кеше, 1 қарашада болған.

Жол апаты салдарынан екі адам оқиға орнында көз жұмды, біреуі ауруханада қайтыс болды, зардап шеккендер бар.

Соталды тергеу аясында оқиғаның мән-жайы анықталып жатыр.

"ҚазАвтоЖол" баспасөз қызметі жол жүруді қиындататын жол-көлік оқиғасына байланысты, сондай-ақ тергеу шараларын жүргізу қажеттігіне байланысты "Астана – Көкшетау (айналып өтумен) – Петропавл – РФ шекарасы" жолының 107–232 шақырымында автокөліктің барлық түрі үшін қозғалысқа шектеу енгізілгенін хабарлады.

Компания жолдың сағат 23:00-де ашылуға тиіс екенін мәлім еткен.

Мәтіннен қате тапсаңыз, бізге жазыңыз