Алматыдағы Абай даңғылында екі автобус соқтығысты

Алматыдағы Абай даңғылында екі автобус соқтығысты. Жол апаты салдарынан зардап шеккендер жоқ. Полиция аталған дерек бойынша тергеу жүргізіп жатыр, деп хабарлайды KAZ.NUR.KZ.

Екі автобустың соқтығысқаны бейнеленген кадрлар Threads-тегі almatynews_kaz паблигінде жарияланған.

Жарияланымдағы ақпаратқа сай, Абай даңғылының Бауыржан Момышұлы көшесімен қиылысқан тұста № 78 және № 136 автобустар соқтығысқан.

View on Threads

Алматы ПД KAZ.NUR.KZ тілшісіне пікір білдіріп, оқиға бүгін сағат 13:00-де Алматы қаласы Әуезов ауданында болғанын хабарлады.

"SAZ маркалы автобус жүргізушісі Абай даңғылы бойымен шығыс бағытқа жүріп қарай келе жатып, бір орында тұрған Golden Dragon маркалы автобуспен соқтығысты", - делінген хабарламада.

Зардап шеккендер жоқ.

Аталған дерек бойынша тергеу жүріп жатыр. Қазіргі таңда Әуезов ауданы полиция қызметкерлері болған оқиғаның мән-жайын анықтап жатыр.

Мәтіннен қате тапсаңыз, бізге жазыңыз