Адамдар айдың 13-не сәйкес келетін жұмадан неге сескенеді

Бүгін желтоқсанның 13-і жұмаға келеді. Әлем халқы бұл күні түрлі қиындықтарға, қорқынышқа, мистикаға толы болады деп есептейді. Тіпті, бұл күн "қара жұма" деп те аталып кеткен.

KAZ.NUR.KZ

порталы Life.ru-ға сілтеме жасап осы күнге қатысты айтылған тыйымдар мен ырымдарды анықтап көрді.

13, жұма: Бұл күні қандай оқиғалар болған?

13 саны ежелгі заманнан-ақ, бақытсыз болып саналған. Өйткені, жұма, 13-і күні Адам тыйым салынған алманы жеп, мұның салдары адамзат үшін ауыр болған.

1307 жылы 13 қазанда, жұма күні Филипп IV француз патшасының бұйрығымен тамплиерлер орденінің тас-талқаны шығарылып, оның мүшелері өлім жазасына кесілген.

1907 жылы 13-желтоқсанда британиялық "Томас Лоусон" кемесі опат болған.

1972 жылы 13-қазанда Мәскеуде Ил-62 жолаушылар ұшағы жерге құлап, 174 адам қаза болған. Бұл әлемдегі ең үлкен әуе апаттарының бірі.

2012 жылы 13-қаңтарда ішінде 4200 адам болған Costa Concordia лайнері апатқа ұшырады. Қайғылы оқиғадан 40 адам қайтыс болған.

1988 жылы 13-мамырда Jerusalem компьютерлік вирусының эпидемиясы басталды.

13, жұма: Бұл күні не істеуге болмайды, қандай тыйымдар бар?

Бұл күнді дәрігерлер, әсіресе хирургтар аса ұнатпайды. Олар осы күні ота жасауды жоспарламайды.

Сондай-ақ, бұл күн бірқатар маңызды істер үшін сәтсіз деп есептеледі. Мәселен, қаржылық операциялар, саяхат, үйлену тойын бұл уақытқа жоспарламаған жөн.

Бұл күні:

• Қатты қажет болмаса алыс сапарға шығудың
• Жол апаты көп болатындықтан, рөлге отырудың
• Үй немесе бақша өсімдіктерін отырғызудың
• Тырнақ алып, шашыңызды бояудың
• Жаңа жұмыс іздеп немесе жұмыс берушімен әңгімелесудің
• Ауыр медициналық процедуралар жасаудың
• Үйлену тойын белгілеудің
• Маңызды келісімдер жасап, қарыз алып, қарыз берудің
• Жұмыстан шыққан сәтте артқа қараудың
• Алкогольді сусындары бар көңілді кеш ұйымдастырудың қажеті жоқ.

13-күні жұмаға түссе көңіліңізді көтеріп, жаман ойлардан аулақ болыңыз. Жағымсыз энергиядан арылсаңыз күніңіз мерекелі де берекелі де болмақ.

Мәтіннен қате тапсаңыз, бізге жазыңыз