60 жылдары кеудесі ең әдемі әйел саналған актриса туралы не білеміз?

1960 жылдардың басында нағыз сұлулық символы болып Джина Лоллобриджида саналды. Омырауы ең әдемі актрисаға тіпті Бриджит Бардо мен Софи Лорен сыңды танымал әйелдер ғана бәсекелес бола алған деп жазады bigpicture.ru сайтына сілтеме жасаған NUR.KZ.

Джина Лоллобриджида 60 жылдары бойжеткендердің үлгі тұтар тұлғасына айналса, ерлер қауымы үшін қол жетпес арман болды. Италиялық актриса өзінің тегіндегі "Лолло" француз тілінде "үлкен кеуде" болып аударылатынын біле сала, бұл жайтты үлкен белгі ретінде қабылдайды.

Сол себепті, кино саласында актриса Джина Ла Лолло лақап атына ие болады. Омыраулы арудың танымалдылығы өзінің тікелей әріптестеріне аса қатты ұнай қоймаған.

Лоллобриджиданың кино әлеміндегі алғашқы бәсекелесі танымал Софи Лореннің өзі болған. Екі актрисаның бәсекелестігін италиялық БАҚ "Кеуделер қақтығысы" деп те атап кеткен.

Көпшілік кеудесі үлкен арулардың қайсысы ең әдемі әрі дарынды екенін анықтай алмай әлек болды.

Басты рөлдерден айырылып қалудан қорыққан Софи Лорен бәсекелесінің төсі жасанды екенін айтып, оған қатысты жағымсыз пікірлерді қарша жаудырған.

Ал Джина өз кезегінде әріптесін ел алдында шешініп, қайсысының төсі үлкенірек екенін анықтауға шақырған болатын. Алайда, бұл ұсынысты жергілікті билік іске асыруға рұқсат етпеді.

Бүгінде екі актриса да 80 жасқа таяп қалды. Жас кездерінде өзара келісе алмаған олар өкпе-ренішті ұмытқан сыңайлы. Лорен мен Лоллобриджида әлі күнге дейін бойжеткендер арасында сұлулық символы болып саналады.

Мәтіннен қате тапсаңыз, бізге жазыңыз