Сібірде 37 мың жыл бұрын мекендеген жолбарыстың сүйегі табылды (видео)

Сібірде қазба жұмыстары кезінде семсер тісті жолбарыс күшігінің жақсы сақталған қалдықтары табылды. Бұл туралы 24.kz хабарлайды.

Археологтардың пайымдауынша, ол 37 мың жыл бұрын тіршілік еткен. Оның басы мен алдыңғы аяқтары жақсы сақталған.

Жануар қазіргі жолбарыстардан ірілеу болған. Әсіресе мойыны қалыңдау.

Негізі мұз дәуірінде семсер тісті жолбарыстар Еуразия, Африка мен Америкада тіршілік еткен. Осы күнге дейінгі қалдықтардың көбі Солтүстік Америка аумағынан табылған.

Ғалымдардың айтуынша, археологтардың бұл олжасы еуразиялық жыртқыштарға қатысты көп жаңа мәлімет беруі тиіс.

Айта кетейік, Талдықорғанда сақ дәуірінің алтын сырғасы мен әшекей бұйымдары табылды.