Балмұздақ-чизкейк: Диана Есенбековадан дәмді десерт

Көптеген қыз-келіншек десерттің түр-түрін білгенімен, оңай әрі тез даярланатын түрінен бейхабар болып жатады. Осыған орай, назарларыңызға жылдам әрі оңай дайындалатын дәмді десерттің рецебін ұсынамыз.

Балмұздақ чизкейкін үй жағдайында тез әрі жылдам жасауға болады. Дәмі тіл үйіретін десертпен танымал фудблогер Диана Есенбекова таныстырады.

Сипаттамасы

Асхана: Еуропа

Санаты: десерт

Дайындалу уақыты: 10 минут

Дайын болу уақыты: 30 минут

Сипаттамасы

Печенье - 400 г

Сары май - 130 г

Кілегейлі ірімшік - 200 г

Қант - 300 г

Крахмал - 1 ас қасық

Қаймақ - 200 г

Жұмыртқа - 1 дана

Шоколад - 2 дана

Дайындалуы

1. Чизкейктің қамырын дайындаймыз

Алдымен печеньені блендер өткізіп, ұсақтап аламыз. Сосын үстінен сары май салып, екеуін жақсылап араластырамыз. Дайын болған қамырды қалыпқа жұқалап саламыз.

2. Салмасын дайындаймыз

Кілегейлі ірімшік пен қантты миксермен араластырамыз. Үстінен крахмал, қаймақ пен бір жұмыртқаны қосып, тағы да араластырамыз. Салманы екіге бөлеміз. Дайын салманың жартысын қамырға құйып, тоңазытқышқа қоямыз.

3. Салманың қалған бөлігіне шоколад қосамыз

Салманың қалған бөлігіне шоколадты ерітіп, қосамыз. Барлығын жақсылап араластырамыз. Сосын бетіне құямыз.

4. Чизкейкті пісіріп, безендіреміз

Чизкейкті алдын ала қызып тұрған пешке 180 градусқа, 30 минутқа қойып, пісіріп аламыз. Сосын бетіне ерітілген шоколадты құйып, бетіне құлпынайды орналастырып, безендіреміз. Осылайша, дәмі тіл үйіретін тәтті чизкейк дайын болып шығады.

Мәтіннен қате тапсаңыз, бізге жазыңыз