Даргин хинкал: Ариана Дәуренқызынан дағыстандық ең дәмді тағамның рецебі

Даргин хинкалы - Дағыстан асханасының ең дәмді тағамдарының бірі саналады. Дәмі тіл үйіретін ерекше тағамды үй жағдайында оңай әрі тез дайындауға болады.

Даргин хинкалы — Дағыстан халқында қонақжайлылық пен отбасылық берекенің символы. Үй жағдайында оңай әрі тез дайындалатын тағамның рецебімен фудблогер Ақнұр Тілекқызы таныстырады.

Сипаттамасы

Асхана: Дағыстан

Санаты: басты тағам

Дайындалу уақыты: 15 минут

Дайын болу уақыты: 1 сағат

Құрамы

Жұмыртқа - 1 дана

Аскөк - дәміне қарай

Қант - 0.5 шай қасық

Қызанақ - 3 дана

Ұн - 300 г

Өсімдік майы - мөлшеріне қарай

Пияз - 2 дана

Картоп - 5 дана

Балғын шөптер - дәміне қарай

Тұз, қара бұрыш - дәміне қарай

Су - 550 мл

Құрғақ дрожжи - 1 ас қасық

Ет фаршы - 500 г

Дайындалуы

1. Қамыр илейміз

Бөлме температурасындағы суға бір шай қасық тұз бен жарты шай қасық қант қосамыз. Сосын суды ұнға ақырындап құйып, қамыр илейміз. Дайын болған қамырды жарты сағатқа тындыруға қоямыз.

2. Тартылған етті дайындаймыз

Пиязды қабығынан аршып, ұсақтап тураймыз. Оны тартылған етке қосамыз. Етке сондай-ақ бір жұмыртқа, дәміне қарай тұз, қара бұрышты қосып, барлығын жақсылап араластырамыз.

3. Котлеттерді даярлаймыз

Тартылған еттен орташа көлемде котлеттерді дайындаймыз. Сосын табаға өсімдік майын құйып, оны қыздырамыз. Қызған майға котлеттерді салып, екі жақ беті қызарғанша қуырып, пісіріп аламыз.

4. Қамырдан шағын рулеттер дайындаймыз

Тындырылған қамырды жұқа етіп жайып аламыз. Үстіне өсімдік майын жағып, рулет етіп ораймыз. Сосын оны кішігірім рулеттерге бөліп, тураймыз.

5. Тағамды пісіреміз

Пияз бен картоптың қабығын аршимыз. Пиязды жіңішке етіп, ал картоп пен қызанақты ұзындау етіп тураймыз. Қазанға өсімдік майын құямыз. Алдымен оған пиязды, сосын котлеттерді, кейін картопты саламыз. Дәміне қарай тұз қосамыз. Соңында қазанға қызанақ пен балғын шөптерді саламыз. Сосын бетіне қамыр рулеттерін орналастырамыз. Сосын су қосып, даргин хинкалын жарты сағат бұқтырып, тағамды пісіреміз.

Мәтіннен қате тапсаңыз, бізге жазыңыз