Қатпарлы қамырдан қытырлақ самса: Ариана Дәуренқызынан ең дәмді самсаның рецебі

Самса — Орталық Азия елдеріндегі ең танымал тағамдардың бірі. Үй жағдайында қатпарлы қамырдан дәмді самсаны қалай даярлауға болады? Бүгінгі рецепттен білетін боласыздар.

Маңызды тұстар

Бұл мәтін автоматты түрде ЖИ көмегімен жазылған және редактор тексермеген, сондықтан фактологиялық және грамматикалық қателер болуы мүмкін. Толығырақ жарияланымда.

• Ариана Дәуренқызының YouTube парақшасында қатпарлы қамырдан жасалатын дәмді самсаның рецебі ұсынылған.
• Самса жасау үшін қажетті ингредиенттер: ұн, сүт, өсімдік майы, пияз, күнжіт, картоп, тұз, қара бұрыш, су, құрғақ ашытқы, сары май және тартылған ет.
• Рецепт бойынша самса жасаудың негізгі кезеңдері: қамыр илеу, қамырды жаю және қабаттау, салма дайындау, самсаны қалыптастыру және пісіру.

Қатпарлы қамырдан жасалатын дәмді самсаның рецебімен танымал фудблогер Ариана Дәуренқызы таныстырады. Блогердің YouTube парақшасынан түрлі тағамдардың рецебімен таныс бола аласыздар.

Сипаттамасы

Асхана: өзбек

Санаты: басты тағам

Дайындау уақыты: 5 минут

Дайын болу уақыты: 1 сағат

Құрамы

Ұн - 550 г

Cүт - 125 мл

Өсімдік майы - 50 г

Пияз - 1 дана

Күнжіт - дәміне қарай

Картоп - 2 дана

Тұз, қара бұрыш - дәміне қарай

Су - 125 мл

Құрғақ ашытқы - 1 шай қасық

82,5% сары май - 250 г

Тартылған ет - 300 г

Дайындалуы

1. Қамырдың ашытқысын дайындап аламыз

Алдымен сүт пен суды жылытып аламыз. Шұңғыл ыдысқа 125 г жылытылған сүт пен суды құямыз. Сосын өсімдік майы, тұз бен ашытқыны қосамыз. Барлығын венчикпен араластырып, ашытқының көпіруін күтеміз.

2. Қамыр илейміз

Көтерілген ашықты мен қамырдың сұйық құрамына електен өткізілген ұнды сеуіп, жұмсақ қамыр илейміз. Қамырды жұмсақ пленкамен жауып, 10 минутқа қалдырамыз. Тындырылған қамырды 4 бөлікке бөлеміз. Әрқайсысын иі қанғанша илеп, шар тәрізді етіп жинаймыз.

3. Қамырды жаямыз

Әр бөлікті жеке-жеке жұқа етіп жаямыз. Әр бөлікті жұқалап жайғаннан кейін, сары майды төртке бөлеміз. Әр жайылымға сары майды жағып, бірінің үстіне бірін қоямыз. Сосын барлық төрт бөлікті орама етіп орап, пакетке салып, мұздатқышқа 2 сағатқа қоямыз.

4. Самсаның салмасын дайындаймыз

Пияз бен картоптың қабығын аршып, ұсақ шаршы етіп турап аламыз. Шұңғыл ыдысқа туралған пияз бен картопты салып, тартылған етті қосамыз. Дәміне қарай тұз бен бұрышты қосамыз. Барлығын жақсылап араластырамыз.

5. Самса жасаймыз

Қамырды мұздатқыштан алып, шамамен 20 тең бөлікке бөлеміз. Әр бөліктен қолмен, көлемі кішкентай болатын себет жасаймыз. Ішіне бір шай қасық салманы салып, қамырдың шетін ортасына қарай жауып, түйеміз. Самсаның салмасының сөлі сыртқа ақпауы үшін, қамырды нығарлап жапқан дұрыс болады.

6. Самсаларды пісіреміз

Пешті алдын ала 180 ºC-та қыздырып аламыз. Противеньге пергамент қағазын төсеп, самсаның шет-шеттерін қара күнжітке аунатып, табаға саламыз. Қызып тұрған пеште самсаны 30–35 минутқа қойып, пісіріп аламыз. Осылайша, қатпарлы самса дайын болып шығады.