Стақандағы Наполеон: әйгілі тортты әзірлеудің ең оңай әдісі

Стақандағы "Наполеон" торты - cүйікті десертті әзірлеудің ең оңай жолы болып саналады. Тортты даярлаудың бұл әдісі оңай әрі көп уақытты қажет етпейді. Осыған орай, назарларыңызға әйгілі Наполеонды дайындаудың ең оңай әдісін ұсынамыз.

Наполеон торты - классикалық торт үлгілерінің ішіндегі ең танымалы болып саналады. Бүгінгі рецептте оны стақанда әзірлеудің ең оңай рецебін ұсынатын боламыз.

Сипаттамасы

Асхана: Еуропа

Санаты: десерт

Дайындалу уақыты: 5 минут

Дайын болу уақыты: 30 минут

Құрамы

Ашытқысыз қатпарлы қамыр - 1 дана

Қант - 70 г

Ұн - 12 г

Cүт - 250 мл

Жүгері крахмалы - 12 г

Ваниль экстракты - 0.25 шай қасық

Жұмыртқаның сарысы - 3 дана

82,5% сары май

Дайындалуы

1. Сүтті жылытамыз

Сүтті ыдысқа құйып, орташа отқа қоямыз. Сүтті қайнатпай, тек ысытқан дұрыс болады. Сүт күйіп кетпеуі үшін, оны жақсылап араластырып отырамыз.

2. Жұмыртқаның сарысы мен қантты араластырамыз

Шұңғыл ыдысқа жұмыртқаның сарысын салып, бетіне қантты себеміз. Миксермен орташа жылдамдықта екеуін жақсылап араластырамыз. Жұмыртқаның сарысы көпірмейінше, екеуін әбден араластыру қажет болады.

3. Ұн мен крахмалды қосамыз

Көпірген жұмыртқаның сарысына 12 г ұн мен жүгері крахмалын қосамыз. Массаны біркелкі болғанша миксермен араластырып аламыз. Сосын жылыған сүтті қосып, венчикпен араластырамыз.

4. Кремді қайнатамыз

Кремді жылы сүті бар ыдысқа құямыз. Сосын баяу отқа қойып, үнемі араластырып отырып, қайнатамыз. Кремнің бетінде көпіршіктер пайда болса, ол қайнады деген соң. Осылай тағы 1 минут қайнатып, кремді оттан алыңыз. Қайнаған кремге ұсақтап туралған сары майды қосыпғ араластырыңыз. Соңында ваниль экстрактын қосып, тағы да араластырыңыз.

5. Кремді суытамыз

Дайын болған кремді тезірек сууы үшін, басқа ыдысқа құйыңыз, сосын бетін ас пленасымен жауып, 20 минутқа суытып қойыңыз. Сосын кремді тоңазытқышқа 1 сағатқа қойыңыз.

6. Торттың корждарын дайындаймыз

Қатпарлы қамырды екіге бөлеміз. Әрқайсысын шанышқымен тесеміз. Сосын қамырды пергамент төселген противеньге саламыз. 200 градусқа шамамен 10-15 минутқа қойып, торт корждарын пісіріп аламыз. Корждар қытырлақ болуы тиіс. Олардың әрқайсысын суытып аламыз.

7. Қамырды ұсақтаймыз

Суыған корждарды ыдысқа ұсақтап, саламыз. Қалғанын блендерге салып, ұсақтап аламыз. Мұндай ұсақталған корж десертті әсемдеуге қажет болады.

8. Тортты стақанда жинаймыз

Тоңазытқыштан кремді алып, қасықпен араластырып аламыз. Стақанның түбіне бір ас қасық кремді саламыз. Бетіне ұсақталған қамырды себеміз. Осылайша, қамыр мен кремді кезекпен салып бітіреміз. Десерттің бетін ұсақталған коржбен әсемдейміз. Дайын болған десертті ас пленкасымен бетін жауып, тоңазытқышқа 3–4 сағатқа қойып, кремін сіңдіреміз. Сонымен дәмді әрі жасалу жолы оңай Напалеон торты дайын болып шығады.

Мәтіннен қате тапсаңыз, бізге жазыңыз