Шоколадты бисквит: Риза Нұрланқызынан үлпілдек бисквит пісірудің қыр-сыры

Шоколадты бисквит - шай дастарханына арналған таптырмас десерт. Оны үй жағдайында оңай әрі тез даярлауға болады. Бүгінгі материалда шоколадты бисквит әзірлеудің ерекше әдісін ұсынамыз.

КЛЮЧЕВЫЕ МОМЕНТЫ

Данный текст создан автоматически при помощи ИИ и не проходил проверку редактора, поэтому может содержать фактологические или грамматические ошибки. Подробности в публикации

• Танымал фудблогер Риза Нұрланқызы шоколадты бисквит дайындаудың ерекше әдісін ұсынады.
• Бисквит дайындау үшін ұн, какао, қопсытқыш, сүт, өсімдік майы, қант және жұмыртқа қолданылады.
• Бисквитті дайындау процесі бес кезеңнен тұрады: құрғақ ингредиенттерді араластыру, сұйық құрамдас бөліктерді дайындау, жұмыртқаны өңдеу, барлық құрамдас бөліктерді біріктіру және пісіру.

Шоколадты бисквит әзірлеудің ерекше рецебімен танымал фудблогер Риза Нұрланқызы таныстырады. Блогердің YouTube арнасынан осы сынды өзге де дәмді десерттер мен тағамдардың рецебімен таныс бола аласыздар.

Сипаттамасы

Асхана: Еуропа

Санаты: десерт

Дайындалу уақыты: 10 минут

Дайын болу уақыты: 40-45 минут

Құрамы

Ұн - 250 г

Какао - 55 г

Қопсытқыш - 18 г

Сүт - 135 мл

Өсімдік майы - 135 мл

Қант - 230 г

Жұмыртқа С1 - 7 дана

Дайындалуы

1. Қамырдың құрғақ ингридиеттерін дайындаймыз

Шұңғыл ыдысты алып, алдымен електен өткен ұнды саламыз. Сосын какао қосамыз. 18 г мөлшерде қопсытқыш қосып, барлығын жақсылап араластырамыз.

2. Cүт пен сұйық майды араластырамыз

135 мл бөлме температурасындағы сүтті шұңғыл ыдысқа құямыз. Сосын қантты өлшеп, сүтке қосамыз. Үстіне өсімдік майын қосамыз.

3. Жұмыртқаның сарысы мен ақуызын бөлеміз

Бөлме температурасындағы жеті жұмыртқаның сарысы мен ақуызын ажыратамыз. Жұмыртқаның сарысын сүтке қоссақ, ағын құрғақ ыдысқа бөлек жинаймыз. Ақуызға шым-шым тұз қосып, әбден үлпілдеп, көтерілгенше миксермен араластырамыз. Миксермен араластыру барысында біртіндеп қант салып отырамыз. Ақуыз қатып қалмауы үшін, оның консистенциясы қаймақ тәрізді болуын қадағалаймыз.

4. Сұйық және қою құрамды араластырамыз

Ақуыздың төрттен бір бөлігін бөлек ыдысқа салып аламыз. Оған құрғақ құрамды електен өткізіп салып, барлығын жақсылап араластырамыз. Дәл осылай ақуыздың қалған бөлігін біртіндеп құрғақ құраммен араластырып, какаоның толығымен араласуын қадағалаймыз. Араластыру барысында ақуыз үлпілдек қалпын сақтау үшін, венчикті төменнен жоғары қарай араластырып отырамыз.

5. Қамырды пешке қойып, пісіреміз

Пешті 170 градуста алдын ала қыздырып қоямыз. Противеньге пергамент қағазын төсеп, 22 см қалыпты қоямыз. Ішіне бисквит қамырын құямыз. Сөйтіп 170 градуста 40-45 минут пісіріп аламыз. Піскен бисквитті шпажкамен тексереміз, сосын жарты сағатқа төңкеріп қоямыз. Жарты сағаттан кейін бисквиттің бетін ас пленкасымен жауып, бір түнге тоңазытқышқа қоямыз. Сонда бисквит үгітілмейтін, қамыры мығым болып шығады. Осылайша, мұндай бисквитке қалаған креміңізді дайындап, дастарханға ұсынсаңыз болады.

Мәтіннен қате тапсаңыз, бізге жазыңыз