Дәруменге бай: орамжапырақ пен көкөністерден даярланатын ең оңай салат

Орамжапырақ пен қарапайым көкөністерден әзірленетін салатты әлемде "коул-слоу" деп атайды екен. Үй жағдайында оңай әрі тез жасалатын тіскебасар өзге салаттардан денсаулыққа пайда болуымен ерекшеленеді. Бүгін сіздермен қолдағы көкөністер және орамжапырақпен әзірленетін қарапайым салат рецебімен бөлісетін боламыз.

Сипаттамасы

Асхана: Америка

Санаты: тіскебасар

Дайындалу уақыты: 5 минут

Дайын болу уақыты: 15 минут

Құрамы

Сельдерей - 1 шай қасық

Қант - 1 шай қасық

Сәбіз - 3 дана

Майонез - 158 г

Жасыл пияз - 3 дана

Пияз - 0.5 дана

Қызыл орамжапырақ - 0.25 дана

Ақ орамжапырақ - 0.5 дана

Тұз, қара бұрыш - дәміне қарай

Алма сірке суы - 2 ас қасық

Пахта - 3 ас қасық

Дайындалуы

1. Орамжапырақты жіңішке етіп тураймыз

Орамжапырақтың сыртқы қабатын аршып, тазартып жуып аламыз. Ортасынан бөлеміз. Сосын жіңішке етіп, тураймыз.

2. Cәбіз бен пиязды тураймыз

Сәбіздің қабығын аршып, жақсылап жуып, жіңішке етіп тураймыз. Оған қасықтың ұшындағыдай етіп тұз қосып, орамжапырақты қосып, барлығын қолмен жақсылап араластырамыз. Көкөністерді кепкірге салып, 30 минутқа қалдырыңыз.

Сонда көкөністер артық судан арылатын болады. Сосын көкөністерді қағаз сүлгімен сүртіп шығыңыз. Пияздың қабығын тазартып, жіңішке сақина түрінде тураңыз. Жасыл жуаны да жуып, турап шығыңыз.

3. Cалатты араластыратын соусты дайындаймыз

Шұңғыд ыдысқа майонезді саламыз. Оған пахта, алма сірке суы, қант пен шым-шым тұз бен қара бұрышты қосамыз. Барлығын венчикпен араластырамыз.

4. Көкөністерді соуспен араластырамыз

Бөлек ыдысқа құрғатылған орамжапырақ пен сәбізді саламыз. Үстінен пиязды қосамыз. Соусты құйып, барлығын жақсылап араластырамыз. Дәміне қарай тұз бен қара бұрыш, сельдерей тұқымдарын қосамыз. Осылайша, денсаулыққа пайдалы әрі өте жеңіл дайындалатын орамжапырақ салаты дайын болып шығады.

Мәтіннен қате тапсаңыз, бізге жазыңыз