Top.Mail.Ru

Сайт нұсқасы

ru kz

Зектілері

Денсаулық сақтау министрлігі елімізде коронавирустың Эрис штамы анықталғанын мәлімдеді

Опубликовано:

Зертхана
Коронавирус. Көрнекі фото: pixabay.com

Қазақстанда коронавирустың жаңа штамы – Эрис анықталды. Бұл туралы Орталық коммуникациялар қызметінде өткен брифингте Денсаулық сақтау министрі Ажар Ғиният айтты, деп хабарлайды KAZ.NUR.KZ.

Ажар Ғинияттың сөзінше, Қазақстанда коронавирустың қандай штамдары бар екенін анықтау үшін ай сайын зерттеулер жүргізіледі. Соңғы зерттеулер елімізде жаңа штамм таралғанын көрсеткен.

"Біз елде жаңа штамм таралып жатыр ма, жоқ па, вирустың түрі өзгерді ме, соны білу үшін ай сайын коронавирусқа генетикалық талдау жасаймыз. Соңғы генетикалық зерттеулер елімізде Эрис штамының таралғанын көрсетті.

Вирус мутацияға ұшырайды және оның әр түрлі штамдары пайда болып жатады. Егер өткен айда бізде мұндай түрі (коронавирус ред.) жоқ деп айтсақ, енді зерттеулер нәтижесінен кейін оның елімізде таралғанын байқап отырмыз", - дейді Ажар Ғиният.

Естеріңізге сала кетейік, Эрис штамы әлемде биылғы жылдың тамыз айында тарала бастаған еді. Дегенмен ДДСҰ штамның адам денсаулығына аса қауіп төндірмейтінін мәлімдеген болатын. Ғалымдардың айтуынша, Эрис Омикрон штамының қосалқы түрі.

Мақаланың түпнұсқасы: https://kaz.nur.kz/health/2039746-densaulyq-saqtau-ministrligi-elimizde-koronavirustyn-eris-stamy-paida-bolganyn-malimdedi/