"Эпидемия біткен жоқ": Белгілі cаясаттанушы карантин уақытын созуды ұсынды

Белгілі саясаттанушы Ерлан Саиров мемлекеттік комиссияға коронавирустың таралуына байланысты карантин уақытын ұзартуды ұсынды деп хабарлайды KAZ.NUR.KZ порталы.

Бұл туралы қоғам белсендісі Facebook әлеуметтік желісіндегі парақшасында жазды.

"Төтенше жағдай жөніндегі Мемкомиссияның назарына! Пандемия жай болса да, өсіп барады. Кешелі-бүгін көшеде жүрген халық маска тағу, әлеуметтік қашықтықты сақтау мәселесін ұмытып кеткен тәрізді. Тоқмейілсуге болмайды. Эпидемия біткен жоқ.

"Қазақылыққа" салынып жүргенде, мәселе өршіп кетуі мүмкін. Осы орайда, Төтенше Жағдай жөніндегі Мемкомиссияға келесі ұсыныстар:

1. Төтенше жағдайды тоқтатып, карантиннің уақытын созу керек. 2. Адамдар ертеңнен жұмысқа шыққан жағдайда маска кию, әлеуметтік қашықтықты сақтау, антисептиктерді пайдалану мәселесінің нормасын бекіту маңызды. 3. Офистер мен бизнес-орталықтарға маскасіз кіруге, антисептиктерді жиі пайдалану мәселесін реттеу абзал. 4. Халыққа теледидар, әлеуметтік желілер арқылы санитарлық нормаларды сақтаудың маңызы жөнінде қүлақтандыруды жалғастыру керек. 5. Маска, антисептик, әлеуметтік қашықтық мәселесі бойынша хабарландыру, бейнероликтер, радио хабарлама жасауға шұғыл кірісу керек. Бұл іс-шараларды іс жүзінде жүзеге асырмаса, жағдай ушығып кетуі мүмкін. Олай болса, эпидемиологиялық жағдай ауырлап, халықтың жағдайы қиындайды", - деді ол.

Еске сала кетсек, осыған дейін мемлекет басшысы жағдай күрделеніп кетпесе елімізде коронавирус пандемиясына байланысты жарияланған төтенше жағдай режимі 11 мамырда аяқталатынын мәлім етті.

Ең маңызды әрі қызықты жаңалықтарды біздің Telegram арнамыздан оқыңыздар!

Мәтіннен қате тапсаңыз, бізге жазыңыз