Елімізде өткен тәулікте КВИ мен пневмониядан 10 адам қайтыс болды

Қазақстанда коронавирус белгілері бар пневмонияға қатысты жаңа статистикалық мәліметтер жарияланды. Белгілі болғандай, 18 ақпанда қауіпті дертке шалдығудың жаңа 45 дерегі анықталған деп хабарлайды COVID-19 таралуына жол бермеу жөніндегі ВАК-тың ресми телеграм каналы.

2021 жылғы 18 ақпандағы мәлімет бойынша КВИ белгілері бар пневмонияның 45 жағдайы тіркеліп, 3 жағдай өліммен аяқталған. Тағы 235 адам қауіпті дерттен жазылып шыққан.

2020 жылдың 1 тамызынан бастап Қазақстандағы коронавирустық пневмонияға қатысты жағдай мынадай:

• Науқастар саны – 48 932;
• Өлім жағдайлары - 608;
• Сауығып шыққандар - 40 336 адам.

19 ақпанда COVID-19 инфекциясынан жеті адам қайтыс болып, 860 науқас айығып шыққан.

20 ақпандағы мәлімет бойынша, бүгінде 21 340 адам короновирус инфекциясынан (13 352 КВИ+ және 7 988 КВИ-) емделуде, олардың ішінде 4 760 пациент стационарда, 16 580 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 249 адамның жағдайы ауыр;
• 45 пациенттің жағдайы өте ауыр;
• 40 науқас ӨЖЖ аппаратында жатыр.

Айта кетейік, өткен тәулікте елімізде коронавирус инфекциясын жұқтырудың тағы 827 жаңа дерегі анықталды. Бір тәулік ішінде анықталған науқастар саны бойынша Нұр-Сұлтан қаласы көш бастап тұр. Елордада қауіпті дертке шалдыққан тағы 127 адам анықталған.

Сондай-ақ, Алматы мен Павлодар облысында да 100-ден аса жұқтыру дерегі тіркелген болатын.

Мәтіннен қате тапсаңыз, бізге жазыңыз