RU

Қазақстанда бір тәулік ішінде тағы 827 адам коронавирус жұқтырып алды

тәжвирус
Көрнекі фото: sputniknews.kz

Соңғы статистикалық мәліметтерге сәйкес, 19 ақпанда елімізде коронавирус инфекциясын жұқтырудың тағы 827 дерегі тіркелді. Бір тәулік ішінде анықталған науқастар саны бойынша Нұр-Сұлтан қаласы көш бастап тұр деп хабарлайды Coronavirus2020.kz ресми Telagram-каналы.

Айта кетерлігі, Нұр-Сұлтан қаласы осымен екі күн қатарынан бір тәулік ішінде коронавирус инфекциясын жұқтыру көрсеткіші бойынша бірінші орынға шықты. Елордада күні кеше қауіпті дертке шалдыққан тағы 127 адам анықталған.

Сондай-ақ, Алматы мен Павлодар облысында да 100-ден аса жұқтыру дерегі тіркелген болатын.

Республика аумағы бойынша коронавирус инфекциясының таралу жағдайы мынадай:

Нұр-Сұлтан қаласы - 127

Алматы қаласы - 112

Шымкент қаласы - 11

Ақмола облысы - 77

Ақтөбе облысы - 14

Алматы облысы - 46

Атырау облысы - 34

Шығыс Қазақстан облысы - 50

Жамбыл облысы - 13

Батыс Қазақстан облысы - 61

Қарағанды облысы - 45

Қостанай облысы - 68

Қызылорда облысы - 9

Маңғыстау облысы - 11

Павлодар облысы - 111

Солтүстік Қазақстан облысы - 31

Түркістан облысы - 7

Жалпы ел бойынша ауырғандар саны 206652.

Айта кетейік, елімізде коронавирустың таралуы әлі де тоқтаған жоқ. Барлық облыстарда карантин режимі енгізілген.

Күні кеше ғана Шығыс Қазақстан облысында карантин шаралары 7 наурызға дейін ұзартылды.

Ал Алматы қаласында карантин жеңілдетілді. Оңтүстік астананың бас санитар дәрігері Жандарбек Бекшин 19 ақпанда қаулы жариялап, құжатта кейбір мекемелерге өз қызметін қайта бастауға рұқсат берілді.

Мақаланың түпнұсқасы: https://kaz.nur.kz/society/1899943-qazaqstanda-bir-taulik-isinde-tagy-827-adam-koronavirus-zuqtyryp-aldy/