Нұр-Сұлтанда карантин шаралары өзгерді: бас санитар дәрігер жаңа қаулыға қол қойды

Нұр-Сұлтан әкімдігінің ресми сайтында қаланың бас санитар дәрігерінің жаңа қаулысы пайда болды. Онда кейбір шектеулерді күшейту көзделген.

Кейбір талаптар өзгеріссіз қалады.

Олардың ішінде – кинотеатрлардың, боулинг орталықтарының, балаларға арналған ойын-сауық орталықтарының жұмысына тыйым салу; сауда және ойын-сауық орталықтарының, базарлардың, қоғамдық тамақтандырудың, сауналардың, курорттық орталықтардың және фитнес клубтардың жұмыс күндері ғана жұмыс істеуі; қоғамдық орындарда және автобустарда маска тағу.

Ағымдағы жылдың IV тоқсанында елорданың білім беру объектілерінде оқытуды ұйымдастыру:

• дәстүрлі форматта 2021 жылғы 19 сәуірден бастап ата-аналардың өтініші бойынша оқушылар саны 300-ге дейін, сыныптардағы балалар саны 10 адамнан аспайтын қалалық мектептерде;
• білім беру объектілерінің жұмысын қашықтан оқыту тәртібінде ұйымдастыру, мектеп бітіруші сыныптары (9, 11 (12) сыныптар) қоспағанда, олар үшін оқыту аралас форматында (пәндердің 70% -дәстүрлі форматта, 30% - қашықтықтан), сыныпта 15 адамнан артық емес, ата-аналардың өтініштері бойынша.
• жоғары оқу орындары мен колледждердің бірінші курс студенттерін қашықтан оқытуды жалғастырады.

Сауда-ойын-сауық орталықтары, сауда үйлері мен сауда орталықтарының жұмыс уақыты өзгерген жоқ: жұмыс күндері – 10: 00-ден 17: 00-ге дейін, демалыс күндері жұмыс істеуге тыйым салынады (оларда орналасқан дәріханалар мен супермаркеттерді қоспағанда).

COVID-19-қа қарсы жаппай вакцинациялау үшін қосымша пункттер орналастырылған нысандар үшін жұмыс режимі аптаның күніне қарамастан, 8:00-ден 22:00-ге дейін белгіленеді.

Қаулы 12 сәуір күні күшіне енеді. Құжаттың толық мәтінін сілтеме арқылы өтіп, оқи аласыз.

Мәтіннен қате тапсаңыз, бізге жазыңыз