Әлемде коронавирус жұқтырғандар саны 160 миллионнан асып кетті

Әлем бойынша коронавирус инфекциясын жұқтырғандар саны 160 миллионнан асты. Джонс Хопкинс университетінің мәліметінше, бүгінде 160 457 476 вирус жұқтыру дерегі тіркелген.

Пандемия басталғалы бері 3 331 604 адам коронавирустан көз жұмған.

Ауру жұқтырғандардың басым көпшілігі АҚШ-та, 32 814 574 адам тіркелген. Оның 583 684-і өліммен аяқталған.

Екінші орында Үндістан тұр. Мұнда 23 703 665 адамнан коронавирус анықталса, соның 258 317-і көз жұмған.

Үшінші орында 15 359 397 ауру жұқтыру дерегі тіркелген Бразилия тұр. Бұл елде 428 034 адам коронавирустан қайтыс болған.

Францияда - 5 882 882,

Түркияда - 5 072 462

Ресейде - 4 849 044,

Ұлыбританияда - 4 457 742,

Италияда - 4 131 078,

Испанияда - 3 592 751,

Германияда - 3 564 494 адамнан коронавирус анықталған.

Ал біздің елімізде коронавирус инфекциясын жұқтырғандар саны 350 591-ге жетіп отыр. Өткен бір тәуліктің өзінде вирус 2 283 адамнан анықталған.

Еске сала кетсек, үкіметтің онлайн отырысында денсаулық сақтау министрі Алексей Цой қазіргі вакцинацияны ескере отырып, коронавирусқа қатысты жаңа болжамымен бөлісті.

"Оптимистік сценарий бойынша – егер вакцинация кестеге сәйкес жалғасатын болса, бір тәулікте 3 мыңға дейін жұқтырғандар (коронавирус-ред.) тіркеліп, сәуір айының соңында шарықтау шегіне жетеді деп күтілуде. Реалистік сценарий бойынша – бір тәулікте жұқтырғандар 4 мыңға дейін тіркеліп, мамырдың ортасында шарықтау шегіне жетуі мүмкін", – дейді министр.