Еліміздің емханаларында әйелдер консультациясы бөлімшелері қайта ашылады

Қазақстанда жүкті әйелдер мен гинекологиялық аурулары бар әйелдерге арналған медициналық көмек қайта құрылымдалып, алғашқы медициналық-санитариялық көмек аясында қолжетімді болмақ. Бұл туралы Денсаулық сақтау министрлігінің баспасөз қызметі мәлім етті, деп хабарлайды KAZ.NUR.KZ.

Денсаулық сақтау министрлігі өкілдері "әйелдер консультациясы" бөлімшелерінің жұмысын қалпына келтіретінін хабарлады.

Бастаманың мақсаты – еліміздің әйел халқына медициналық көмектің қолжетімділігі мен сапасын арттыру делінген.

Әйелдер консультацияларының жаңартылған құрылымында:

• Бір күндік клиникасы бар ұрықты сақтау орталықтары
• Отбасын жоспарлау орталықтары
• *Жүктілікті үзу кабинеттері
• Мультидисциплинарлық топтың қатысуымен жоғары қауіпті және экстрагениталдық аурулары (ЭГА) бар жүкті әйелдерді қадағалауға арналған кабинеттер
• Репродуктолог және балалар гинекологының кабинеттері ашылады.

Денсаулық сақтау министрлігі Ана мен бала денсаулығын сақтау департаментінің аналар денсаулығын сақтау басқармасының басшысы Шәкизат Халықова бұл бастама – әйелдердің денсаулығын жақсартуға, медициналық көмектің сапасы мен қолжетімділігін арттыруға бағытталған нақты қадам екенін айтты.

Мәтіннен қате тапсаңыз, бізге жазыңыз