Эндокринолог D дәруменін дәрігердің кеңесінсіз ішу неге зиян екенін айтты

Астанада өткен конференция кулуарында эндокринолог Айгүл Дурманова дәрумендерді қабылдамас бұрын неге дәрігермен кеңесу керек екенін айтты, деп хабарлайды KAZ.NUR.KZ.

Айгүл Дурманова бір кезеңде қазақстандықтар D дәруменін өте үлкен мөлшерде қабылдай бастағанын атап өтті.

"Бұл неге әкеп соқты? Біріншіден, тамырлардың кальцинациясы байқалады, қазір бұл өте жиі кездеседі. Оған қоса – бүйрек пен несепағарда тас түзіледі. Мұның бәрі D дәруменін шамадан тыс қабылдаудың салдары", - дейді ол.

Азаматтарға тек бұл емес, басқа да дәрумендерді қолданар алдында дәрігермен кеңесу ұсынылады.

Мәтіннен қате тапсаңыз, бізге жазыңыз