Ауыр көрпелер, көз маскалары және қорылдауға қарсы жастықтар: ұйқыға арналған трендтер қаншалықты пайдалы

Дәрігерлер мен зерттеушілер ұйқыны жақсартуға арналған құралдар туралы кең тараған мифтерді жоққа шығарып, кейбір трендтердің қауіпті екенін ескертті, деп жазды The Straits Times-қа сілтеме жасаған KAZ.NUR.KZ.

Ұйқысыздықпен күресуге арналған түрлі гаджеттер мен әдістердің танымалдығы артып келеді, алайда олардың көбінің тиімділігі ғылыми тұрғыдан дәлелденбеген. Медицина мамандарының пікірінше, ауыр көрпелер, көз маскалары немесе қорылдауға қарсы жастықтар сияқты құралдар әр түрлі нәтиже береді және әр адамға бірдей көмектесе бермейді.

Дәрігерлерді әлеуметтік желілерде кең тараған түнде ауызды пластырьмен жабыстыру тренді қатты алаңдатады. Мамандар бұл тәжірибе өлімге әкелуі мүмкін екенін, әсіресе ұйқы кезіндегі апноэсы анықталмаған немесе мұрынмен тыныс алуы қиын адамдар үшін қауіпті екенін ескертті.

Өз кезегінде бинауральдық ырғақтар мен арнайы дыбыстардың да дәлелдік базасы жоқ, дегенмен медитация мен тыныс алу жаттығулары ұйқы алдында жүйке жүйесін тыныштандыруға шынымен көмектесе алады.

Дәрігерлер ұйқының созылмалы бұзылуы кезінде мелатонин мен магний сияқты қоспалар жеткіліксіз болуы мүмкін екенін ескертті. Сарапшылар танымал трендтер арқылы өз бетінше емделмей, ұйқысыздықтың нақты себептерін анықтау және сауатты терапия таңдау үшін мамандарға жүгінуге кеңес берді.

Мәтіннен қате тапсаңыз, бізге жазыңыз