100 жасқа дейін өмір сүру үшін дұрыс тамақтану мен спорт жеткілікті ме: ғалымдар тұжырымы

Ауқымды зерттеу жүргізген ғалымдар дұрыс тамақтану мен спорт аурулардың алдын алатынына қарамастан, бұл 100 жасқа дейін өмір сүруге кепілдік бермейді деген тұжырымға келген. Бұл туралы News Medical басылымына сілтеме жасап, KAZ.NUR.KZ хабарлайды.

Мишель Пулен мен Энн Херм бастаған халықаралық ғалымдар тобы Minerva Medica журналында мақала жариялады. Олар экстремалды ұзақ өмір сүрудің құпияларын зерттеді. Авторлар 100 жасқа дейін өмір сүруге көмектесетін әмбебап әдеттердің бар-жоғын анықтау үшін демография, геронтология және генетика деректерін талдады.

Зерттеушілер теңгерімді тамақтану, тұрақты дене шынықтыру және әлеуметтік байланыстар өмір сүру ұзақтығын арттыратынын анықтады. Бұл факторлар мезгілсіз өлім қаупін азайтады. Дегенмен нақты диеталар немесе спорттық режим 100 жасқа дейін өмір сүруге тікелей әсер ететіні туралы нақты дәлелдер жоқ.

"Көк аймақтарда" (Сардиния, Окинава, Никоя, Икария) тұратын көптеген ұзақ өмір сүрушінің тамақтану рационы қарапайым болған. Олар қатаң шектеулерді сақтамаған және белсенділігі фитнеспен емес, күнделікті тұрмыстық еңбекпен байланысты болды. Ғалымдар 100 жасқа жету биологиялық төзімділікке, генетикаға, әлеуметтік факторларға және кездейсоқтыққа байланысты екенін атап өтті.

Мәтіннен қате тапсаңыз,бізге жазыңыз