Зерттеушілер: Пайдалы әрі экологиялық таза өнімдерді таңдайтын тұтынушылардың дені етке басымдық береді

Нидерланд ғалымдары түскі асқа арналған ақуызы бар өнімдерді таңдау кезіндегі тұтынушылардың қалауын зерттеді, деп хабарлады News Medical-ға сілтеме жасаған KAZ.NUR.KZ.

Зерттеушілер ет, бұршақ дақылдары мен өсімдік тектес алмастырғыштарды сатып алу кезінде клиенттердің таңдауын анықтау үшін Нидерландтың 272 ересек тұрғыны арасында дискреттік таңдау экспериментін өткізді. Ғылыми жұмыстың нәтижелері Current Developments in Nutrition ғылыми журналында жарияланды.

Зерттеу аясында қатысушыларға онлайн форматта екі аспаздық сценарий бойынша өнімдерді гипотетикалық таңдау ұсынылды: паста және картоп, ет пен көкөністен жасалған дәстүрлі нидерландтық тағам. Бағасы, ақуыз деңгейі, органикалық таңбалаудың болуы, сондай-ақ денсаулыққа пайдасы мен экологиялық тұрақтылық көрсеткіштері сияқты бірдей сипаттамалар кезінде респонденттер екі сценарийде де етке жиірек басымдық берді. Бұл ретте денсаулық пен экологиялық тазалықты білдіретін таңбалар шешім қабылдау кезінде маңыздылығы бойынша алғашқы екі орынды иеленді, ал баға факторы паста сценарийінде үшінші, ал дәстүрлі тағамда төртінші орынға жайғасты.

Жұмыс авторлары қатысушылардың 77,9%-ы етті үш санаттың ішіндегі ең дәмді өнім деп атайтынын атап өтті, бұл әдеттер мен мәдени факторлардың әсерін көрсетеді. Паста дайындау сценарийі дәстүрлі картоп тағамымен салыстырғанда етті балама өнімдермен алмастырудың сәл жоғары әлеуетін көрсетті. Ғалымдар халықтың экологиялық таза және салауатты рационға көшуі үшін тек ақпараттандырудың жеткіліксіз екенін, баға белгілеу бойынша жұмыс істеу, алмастырғыштардың дәмдік сапасын жақсарту және тұтынушылардың әлеуметтік әдеттерін ескеру қажет екенін ескертті.

Мәтіннен қате тапсаңыз, бізге жазыңыз