Ғалымдар кастор майының косметология мен фармацевтикадағы мүмкіндіктерін зерттеді

News Medical басылымының жазуынша, клиникаға дейінгі және клиникалық сынақтар рицинол қышқылының тіндерді қалпына келтірудегі, косметология мен фармацевтикадағы әлеуетін бағалауға мүмкіндік беруде, деп хабарлады KAZ.NUR.KZ.

Ғасырлар бойы халық медицинасында қолданылып келген кастор майы қазіргі биомедициналық ғылымның назарын көбірек аударуда. Кастор майының май қышқылдары құрамының шамамен 90%-ы оның бірегей химиялық қасиеттерін айқындайтын рицинол қышқылына тиесілі. Зертханалық зерттеулер кенеш (Ricinus communis) өсімдігінен алынған қосылыстардың антиоксиданттық, қабынуға қарсы және бактерияға қарсы қасиеттері барын, сондай-ақ олардың E. coli, S. aureus бактериялары мен C. albicans зеңдерінің өсуін тежеуге қабілетті екенін растады. Бұл ретте тазартылған кастор майы толығымен қауіпсіз және құрамында улы рицин ақуызы жоқ.

Қазіргі медицинада кастор майы жедел іш қату кезінде іш жүргізетін стимуляциялық құрал ретінде бұрыннан қолданылып келеді. Рицинол қышқылы ішектегі тегіс бұлшықеттердің EP3 рецепторларын белсендіріп, оның перистальтикасын күшейтеді. Регенеративті медицинада кастор майы, перуан бальзамы және трипсин негізіндегі жақпа майлар жараларды, терінің донорлық учаскелерін және ойық жараларды емдеуде оң нәтижелер көрсетуде. Сонымен қатар кастор майы сүйек және жүрек тіндерін қалпына келтіру кезінде діңгекті жасушалардың өсуін қолдайтын полиуретанды қаңқаларды жасау үшін биоүйлесімді полиол көзі ретінде сынақтан өтуде.

Дерматологиялық және фармацевтикалық әзірлемелер пайдалы екеніне қарамастан, ғалымдар майды бақылаусыз қолдануға болмайтынын ескертеді. Интернетте кең таралған оның шаш өсуін тездету немесе артық майды кетіру қабілеті туралы мәлімдемелер дәлелденген. Майды шамадан тыс тұтыну ағзаның сусыздануына және жүрек айнуына әкелуі мүмкін, сондай-ақ жатырдың жиырылуын ынталандыру қабілеті бар болғандықтан, жүктілік кезінде қолдануда ерекше сақтық қажет.

Мәтіннен қате тапсаңыз, бізге жазыңыз