Қазақ редакциясының басшысы

ДСМ Жамбыл облысында босанғаннан кейін қаза тапқан әйелдің ісіне қатысты мәлімдеме жасады

Опубликовано:20 ақпан 2026, 23:25

Жансақтау бөлімі. Көрнекі сурет: NUR.KZ / Петр Карандашов

Жамбыл облысында нәрестелі болған 30 жастағы әйелдің қазасынан кейін перинаталдық орталыққа қатысты тергеу басталды, деп хабарлайды KAZ.NUR.KZ Денсаулық сақтау министрлігіне сілтеме жасап.

Ведомствоның Telegram арнасында хабарланғандай, Қазақстан Денсаулық сақтау министрлігі Медициналық және фармацевтикалық бақылау комитетінің Жамбыл облысы бойынша департаменті Жамбыл облыстық перинаталдық орталығына қатысты жоспардан тыс тексеруді бастады. Бұған С.Н.-нің қайтыс болуына қатысты қайғылы жағдай негіз болған.

"Тексеру шеңберінде медициналық персоналдың барлық кезеңдегі іс-әрекеттеріне құқықтық баға берілетін болады. Бақылау іс-шаралары аяқталғаннан кейін тексеру материалдары процестік шешім қабылдау үшін тиісті органдарға беріледі... Тексеру нәтижелері туралы жұртшылыққа қосымша хабарланатын болады", - делінген Қазақстан Денсаулық сақтау министрлігінің баспасөз қызметі ұсынған хабарламада.

Еске салсақ, Жамбыл облысында Салтанат Нышанбай баласын мерзімінен бұрын кесар тілігі арқылы босанған еді. Неонатологтар нәрестеге күтім жасаған уақытта әйел үш апта бойы өз өмірі үшін күрескен. Өкінішке қарай, әйел қайтыс болды, ал жақындары бұл жайтқа поликлиника мен перинаталдық орталық қызметкерлерін кінәлап отыр.

Мәтіннен қате тапсаңыз, бізге жазыңыз