Ғалымдар вакцинациядан кейінгі жанама әсерлердің неліктен әр түрлі болатынын анықтады

Ғалымдар адамдар ағзасының екпеге реакциясы әр түрлі болуы туа біткен иммунитет жұмысындағы айырмашылықтарға байланысты деген тұжырымға келді. Бұл туралы Medical News Today-ге сілтеме жасаған KAZ.NUR.KZ хабарлады.

Маусымдық тұмау мен COVID-19-ға қарсы екпелер әр адамға әрқалай әсер ететіні олардың иммундық жүйесінің ерекшеліктеріне байланысты. Тышқандар мен адамдардың қатысуымен жүргізілген жаңа зерттеу туа біткен иммунитеттің белсенділігі, атап айтқанда интерферондық жауап, денсаулықтың нашарлауында шешуші рөл атқаратынын көрсетті. Бұл ретте жанама әсерлердің айқындығы инфекциядан қорғаныстың қалыптасу деңгейін көрсетпейді.

Мамандар егде жастағы адамдардың иммундық функциясының жасқа байланысты төмендеуіне орай олар вакцинацияны әдетте жеңіл өткеретінін атап өтті. Ағзаның реакциясына генетика, микробиом және бұрын болған қабыну процестері де әсер етуі мүмкін. Отбасылық дәрігер Клэр Томпсонның айтуынша, уақытша симптомдардың пайда болуы вакцинаның жоғары тиімділігін білдірмейді, ал олардың болмауы қорғаныстың әлсіздігін білдірмейді.

Ғалымдар жанама әсерлердің көпшілігі жеңіл және қысқа мерзімді сипатта болатынын баса айтады. Реактогендік механизмін зерттеу жалғасуда, бұл болашақта пациенттер жақсы көтеретін препараттарды қорғаныс қасиеттерін жоғалтпай әзірлеуге көмектеседі.

Мәтіннен қате тапсаңыз, бізге жазыңыз