Қазақстанда әр бесінші баланың қант диабетіне шалдығу қаупі бар

Астанада өткен конференцияда эндокринолог Айгүл Дурманова Қазақстанда қанша бала мен ересек адам артық салмақтан зардап шегетінін айтты, деп хабарлайды KAZ.NUR.KZ.

Айгүл Дурманова балалардың шамамен 56 пайызы артық салмақ пен семіздіктен зардап шегетінін мәлімдеді.

"Яғни, еліміздегі әрбір бесінші бала. Өкінішке қарай, бұл көрсеткіш жыл сайын өсіп келеді. Болашақта бұл адамдарда екінші типті қант диабетімен, артериялық гипертензиямен ауыру қаупі бар.

Егер қант диабеті орта есеппен 40 жаста дамыса, қазір ол әлдеқайда тез дамитын болады. Біз 10 жастан асқан балалардың екінші типті қант диабетімен ауырған жағдайларын көріп отырмыз", - деді ол.

Оның айтуынша, ересектер арасындағы жағдай да мәз емес.

"Соңғы зерттеулер көрсеткендей, 2024 жылы жүргізілген деректер бойынша, ересектердің 50 пайыздан астамында артық салмақ бар. Ал ересек халықтың жалпы санының 20 пайыздан астамы семіздіктен зардап шегеді", - деді сарапшы.

Мәтіннен қате тапсаңыз, бізге жазыңыз