Павлодарда мектеп оқушысынан туберкулез белгілері анықталды

Павлодар мектептерінің бірінде оқушы туберкулезге шалдыққан деген күдікпен шұғыл ауруханаға жатқызылды. Оқу орны карантинге жабылған жоқ, деп хабарлайды KAZ.NUR.KZ "Астана" телеарнасының сайтына сілтеме жасап.

Телеарна тілшісінің мәліметінше, дәрігерлер қажетті емшара жасап жатқынын айтады. Ал оқушымен байланысты болған адамдар тексеріліп жатыр. Мектепке толыққанды дезинфекциялық жұмыстар жасалынып, оқушының сыныстарына манту сынамасы салынды. Ал мұғалімдер мен мектеп қызметкерлері толықтай  флюорографиялық тексеруден өткізілмек.

"Осы жағдай бойынша эпедемологиялық тергеу басталды. Қазір оқушымен байланыста болған адамдарды іздеу және оларды тексеруден өткізу жұмыстары жүргізіліп жатыр", - дейді қалалық санитариялық эпидемиологиялық басқарма басшысының орынбасары Гүлия Әлменова.

Мәтіннен қате тапсаңыз, бізге жазыңыз