"Бойы – 61 см": Маңғыстау облысында алып сәби дүниеге келді

Маңғыстау облысында алып сәби дүниеге келді. Бұл туралы KAZ.NUR.KZ облыстық перинатальдық орталықтың Facebook парақшасына сілтеме жасап хабарлайды.

"Маңғыстау облыстық перинатальдық орталығында, Маңғыстау ауданының тұрғыны салмағы 5760,0 грамм, бойы – 61 см болатын алып сәбиді дүниеге әкелді. Дүниежүзілік акушерлік практикада бұл "алып ұрық" деп аталады", - делінген хабарламада.

Перинатальдық орталықтың баспасөз қызметі нәресте отбасындағы екінші бала екенін, анасы тұңғышын да 2022 жылы 4320,0 грамм салмақпен босанғанын атап өтті.

"Анасында гестациялық қант диабеті болған. Қазіргі таңда анасы мен баласының жағдайы қанағаттанарлық, тұрақты. Дәрігерлердің жіті бақылауында", - деп қосты Маңғыстау облыстық перинатальдық орталығының өкілдері.

Мәтіннен қате тапсаңыз, бізге жазыңыз