Елімізде Республика күні 709 сәби дүниеге келді
Жарияланған күні:
25 қазан – Республика күні Қазақстанның перзентханаларында 709 нәресте дүниеге келді, деп хабарлайды KAZ.NUR.KZ Денсаулық сақтау министрлігінің баспасөз қызметіне сілтеме жасап.
Денсаулық сақтау министрлігінің мәліметінше, бір тәулік ішінде босандыру ұйымдарындағы медицина қызметкерлері 704 ананы босандырған. Дүние есігін ашқан нәрестелердің 359-ы ұл, 350-і қыз бала.
Нәрестелердің арасында бес егіз бар.
Денсаулық сақтау министрлігі өкілдері мереке күні перзентханаларда кезекшілік жасап, Қазақстанның жаңа азаматтарының дүниеге келуінің куәсі болған дәрігерлерге, акушерлерге және барлық медицина қызметкеріне шын жүректен алғыс білдірді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/health/motherhood/2301939-elimizde-respublika-kuni-709-sabi-duniege-keldi/