Неліктен PR-мақала - жай жарнама емес, ықпал ету құралы

Көп адам PR-мақаланы жарнамамен шатастырады, оны бір нәрсенің әртүрлі формасы деп санайды. Алайда бұл – қате түсінік. Шын мәнінде PR – тікелей сатылымға қатысты емес, сенім мен бедел қалыптастыруға қатысты. Бұл мақалада NUR.KZ PR мен жарнаманың айырмашылығын түсіндіріп, оның болашаққа қалай жұмыс істейтінін баяндайды.

PR-мақала мен жарнаманың айырмашылығы неде

"Кәсіпкерлердің көбі PR-мақаланы бүркемеленген жарнама деп ойлайды. Бірақ бұл – екі түрлі құрал. Жарнама – тікелей сату, онда бренд ашық түрде: "Біздің өнім ең жақсы – сатып алыңыз!"дейді. Ал PR-мақала – бұл оқиғаны баяндау, құндылық қалыптастыру, сенім тудыру және компанияны сарапшы ретінде көрсету", – дейді NUR.KZ-тің негізгі серіктестермен жұмыс бөлімінің жетекшісі Темірлан Лекеров.

Негізгі айырмашылықтар:

• Мақсаты: Жарнама өнімді ілгерілетсе, PR – пікір мен сенім қалыптастырады.
• Форматы: Жарнама брендті ашық таныстырады, ал PR – ақпаратты табиғи қалыпта жеткізеді.
• Аудиторияға ықпалы: Жарнама – бірден әрекетке итермелейді, PR – ойландырады, сендіреді.
• Ұзақмерзімді әсері: Жарнама төлем бар кезде ғана жұмыс істейді, ал сапалы PR-мақала интернетте ұзақ сақталып, бренд беделін қалыптастырады.

PR брендке сенімді қалай қалыптастырады

Бүгінде тұтынушылар талапшыл бола бастады. Олар өздеріне бірдеңені күшпен таңғанды қаламайды – керісінше, өз шешімін пайдалы ақпарат негізінде қабылдағысы келеді. Сондықтан PR – күшті ықпал ету құралы.

Бедел мен сараптамалық танымалдылық

Компания PR-мақала жариялаған кезде ол өнім жайлы ғана емес, білім, пікір бөлісіп, талдау жасайды. Бұл өз саласында сарапшы ретінде қабылдануына ықпал етіп, аудиторияның сенімін арттырады.

Қалай сарапшы беделін қалыптастырады

1. Нарықты терең түсінетінін көрсету
2. Аудиторияның нақты мәселелерін шешу
3. Деректермен және нақты мысалдармен негізделген талдау
4. Салалық көшбасшы бейнесін жасау

BI Group PR бөлімінің сыртқы коммуникациялар жетекшісі Луиза Абашева:

"Құрылыс саласында клиенттердің сенімі – компания беделіне тікелей байланысты. Біз жаңа технологиялар жайлы айтып, форумдарға қатысып, сараптамалық пікір білдіру арқылы сенімді серіктес екенімізді дәлелдейміз".

Ұзақмерзімді әсері

PR-мақаланың басты артықшылығы – оның ұзақ уақыт бойы жұмыс істеуінде. Жарнама тек төлем жасалғанда әсер етеді, ал PR интернетте қалатындықтан брендке жылдар бойы пайда әкелуі мүмкін.

Неліктен PR ұзақ мерзімге жұмыс істейді?

1. SEO-эффект: PR мақала іздеу жүйелерінде жоғары орын алады
2. Әлеуметтік ықпал: Мақала қызықты болса, оны бөліседі
3. Салалық өзектілік: Кей тақырыптар жылдар бойы сұранысқа ие
4. Цитаталар мен сілтемелер: Басқа басылымдар мен блогтарда жариялануы мүмкін

Beeline Kazakhstan-ның аға сарапшысы Сергей Ким:

"Байланыс – бір жағынан маңызды әлеуметтік өнім, екінші жағынан – күрделі технологиялық қызмет. PR бізге саладағы күрделі мәселелерді түсіндіріп, әлеуметтік жауапкершілігіміз бен жаңа технологиялар туралы айтуға көмектеседі".

Эмоциялық әсер

Адамдар оқиғаларды фактілерден гөрі жақсы есте сақтайды. PR-мақала оқиға арқылы ұсынылған кезде, ол аудиториямен эмоциялық байланыс орнатады.

PR қалай оқырманды тартады?

• Кейстер – нақты клиенттердің тәжірибесі
• Сұқбаттар – компания өкілдерімен әңгімелер
• Шолулар – өнімге терең талдау
• Жеке тәжірибе – нақты адамдардың оқиғалары

Freedom Bank PR директоры Тамилла Таирова:

"Қаржы саласы кейде қиын әрі түсініксіз көрінеді, бірақ эмоционалдық байланыс пен ашық коммуникация арқылы біз сенім қалыптастырамыз. Біз шынайы адамдардың табысқа жету оқиғаларын жиі көрсетеміз".

Қорытынды: бизнеске бұл құрал не үшін қажет

PR – жай ғана өнімді жарнамалау емес. Бұл:

• сенім мен бедел қалыптастыратын,
• бренд құндылықтарын жеткізетін,
• аудиториямен тығыз қарым-қатынас орнататын,
• брендтің ақпараттық кеңістікте ұзақ мерзімге орнығуына ықпал ететін құрал.

Егер сіздің брендіңіз тек сату емес, аудиториямен сенімді байланыс орнатқысы келсе – PR-стратегия басты басымдық болуы керек.

PR-мақала жариялағыңыз келе ме?

PR-материалдарды NUR.KZ сайтында орналастыру үшін бізге хабарласыңыз. Біз сіздің брендіңіздің ықпалын арттырып, мақсатты аудиторияға жетуіне көмектесеміз.

Байланыс: +7 775 341 35 40 (WhatsApp) Эл. пошта: [email protected]