Тіл туралы қандай мақал-мәтелдер білеміз?

Қазақ xалқы мақал-мәтелдерге бұрыннан ерекше мән берген. Әсіресе тіл, сөйлеу мәдениеті аясындағы мәтелдер саны шексіз болса керек. NUR.KZ олардың кең қолданыс тапқандарын арасынан іріктеп алып, оқырмандар назарларына ұсынады.

• Ана тілің алпыс тілге татиды.
• Тілін білмейтіндер емес, тілін білгісі келмейтіндер - мәңгүрт.  
• Тіл мәртебесі - ел мәртебесі.
• Тіл - достықтың алтын көпірі.
• Тіл - ұлттың сүйенетін тамыры, сыйнатын тәңірі.
• Халық үшін өзге тілде сөйлеу қауіпті емес, өзге тілде ойлау қауіпті.
• Тілі өлген ел - тірі өлген ел.
• Тіл - өлшеусіз қазына, өрісі кең әлем. Тілден тілдің кеңдігі болмағанымен, кемдігі жоқ.
• Өз тілің - бірлік үшін, Өзге тілің - тірлік үшін.
• Тіл сүйексіз болса да, сүйектен өтеді.
• Тіл қоса алар жер мен көктің арасын, тіл айырар анасының баласын.
• Тіл ақылдың - өлшемі.
• Ішімдегінің бәрі тілімде, тілімдегінің бәрі түрімде. 
• Жақсы тауып айтар, жаман қауып айтар.
• Ашынған тілді болар, ашыққан ұры болар.
• Көнектей басыңа шүмектей тілің жау.
• Тіл жүйрік емес, ой жүйрік.
• Аузы құлып сандықты тіс ашпаса, тіл ашады.
• Сөз қадірін білмеген - өз қадірін білмейді.
• Ми ойлағанды тіл тындырады.
• Құлаққа кірген суық сөз, көңіліңе барып мұз болар.
• Адам көңілден азады, тілден жазады.
• Адамға келген он пәленің тоғызы – тілден.
• Айтпас жерде тілің тарт.
• Ана тілі – бәріміздің анамыз. Өйткені, ол – ұлтымыздың анасы.
• Ана тілің алпыс тілге татиды.
• Ақынның тілі қылыштан өткір.
• Ат жүйрігі айырады, тіл жүйрігі қайырады.
• Атағыңды өсіретін де, өшіретін де – тіл.
• Аузы құлып сандықты тіс ашпаса, тіл ашады.
• Ашынған тілді болар, Ашыққан ұры болар.
• Ауызда жиек жоқ, Тілде тиек жоқ.
• Әдеп басы – тіл.
• Әрбір халық өзінің ана тілінде ғана бақытты.
• Бас кеспек бар, тіл кеспек жоқ.
• Бал тамған тілден у да тамар.
• Балаға өз тіліңмен сөйлеме, өз тілімен сөйле.
• Басқа пәле – тілден.
• Жаман көлдің суы ащы, жаман қатынның тілі ащы.
• Жалтақтамай өзге тілді ұлысқа,
• Ең алдымен өз тіліңді дұрыста.
• Көнектей басыңа шүмектей тілің жау.
• Қазақтың ақылы – көзінде,

Қасиеті сөзінде.

• Қотыр қолдан, пәле тілден жұғады.
• Кісі қызыл тілден өледі,

Түлкі қызыл жүннен өледі.

• Қылыш жарасы бітер,

Тіл жарасы бітпес.

• Қызыл тіл – жанның мияты,

Абырой – ердің қуаты.

• Мал басынан байланады,

Адам тілінен байланады.

• Малға кедей – жарлы,

Тілге кедей – сорлы.

• Ішімдегінің бәрі тілімде,

Тілімдегінің бәрі түрімде.

• Өнер алды – қызыл тіл.
• Өз тілің – бірлік үшін,

Өзге тіл – тірлік үшін.

• Оқу алды – қызыл тіл,

Бірден соңғы мергеншіл.

• От ауызды, орақ тілді шешен.
• Туған ел – тұғырың,

Туған тіл – қыдырың.

• Ұлттың қуаты – тілінде.
• Ұлттың өшуі тілдің өшуінен басталады.
• Шешеннің тілі – шебердің бізі.
• Шешеннің тілі ортақ,

Шебердің қолы ортақ.

• Халық үшін өзге тілде сөйлеу қауіпті емес,

Өзге тілде ойлау қауіпті.

Мақаланың түпнұсқасы: https://kaz.nur.kz/kaleidoscope/1722178-til-turaly-kandaj-makal-mtelder-bilemiz/