Семей тұрғынына өзге ғаламшарлықтар хат жазған (фото)

Семей тұрғыны үйінің ауласынан өзге ғаламшарлықтар атынан бүкіл адамзатқа бағытталған қоқан-лоққы ескерту жазылған жазба тауып алған. Бұл туралы Устинка LIVE.сайтына сілтеме жасаған NUR.KZ.

Жазбада адамдардың табиғат пен экологияға немғұрайлы қарағандары үшін олар аяз бен циклон салдарынан өлетіндері жазылған.

"Біз, өзге ғаламдықтар, ағаштарды кесіп, бүкіл жерге қоқыс шашып, ит пен құстарды өлтіргендері үшін Жер тұрғындарын жазалаймыз. Бұл үшін өз денсаулықтарыңмен жауап бересіңдер. Біз ғарыш арқылы сендерден кек аламыз. Сендерге ең сұрапыл циклондар мен суықты жібереміз. Көмірлерің жетпейді. Суықтар батареяларың жарылып кетеді", - деп жазыпты белгісіз автор.

Семейдің жекеменшік секторының тұрғыны Руфанияның сөзінше, жазбаны күйеуі қақпаға қыстырылған жерінен күйеуі тапқан.

"Хатты түбіртекті қалдырған кездегідей қыстырып кетіпті. Күйеуім екеуіміз күлдік те қойдық. Бірақ маңайда психикалық ауытқуы бар адамның жүргені біраз уайымдатады. Экологияны қорғаймын деп қандай қадамға баруы мүмкін екені белгісіз", - деді Руфания.

Келіншек хаттың суретін әлеуметтік желідегі пабликтердің біріне жіберген. Желі қолданушылары оны қызу талқыға салған. Кейбір қолданушылар ТКШ бөлімінің басшысы жылымен қамтудағы олқылықтарды өзге ғаламдықтарға сілтемекші деп болжаса, енді бірілері адамда көктемгі ауру қозу басталғанын жазған.

Индира есімді тұрғын сол аудандағы көшелердің бірінен тура осындай жазба көргенін мәлімдеген.

Мәтіннен қате тапсаңыз, бізге жазыңыз