Түс жору: тісіңіз түсіп, үгітілсе не болады

Көптеген әлем халқы түске көп сене бермесе де, оларды болжап, алдағы болатын оқиғалардың белгісі деп санайды. Осы орайда кей адамдардың түсіне кейде тісінің түсіп қалғаны кіреді. Мұндай түс ненің белгісі болуы мүмкін? KAZ.NUR.KZ-тің бүгінгі материалында белгілі түс жору кітаптарын негізге ала отырып, осы жөнінде айтатын боламыз.

Түсіңізде тісіңіз түссе, мұңаймаңыз. Бұл сізге теріс әсер ететін қарым-қатынас аяқталады деген сөз. Алайда аузыңыздан жағымсыз иіс шыққанын көрсеңіз, көп ұзамай күш-қуатыңыз сарқылады деген сөз. Еnigma-project сайты түсте тіс кіруге қатысты болжамдарды ұсынады.

Психологтар шынайы өмірде тісіңіз ауырып жүрсе, ондай түске мән бермеуге шақырады. Себебі бейсанаңыз дереу дәрігерге бару керегін ескертіп жатыр.

• Тісіңіз үгітілгенін немесе сынғанын көрсеңіз, заң мәселесінде және қаржы мәселесінде абай болыңыз.

Қиындықтар күтпеген жерден пайда болуы мүмкін. Мамандар шыдамдылық танытып, барлық құжатты тексеруге кеңес береді.

• Ауыз қуысыңыз күтілмеген болса, онда бұл серіктесіңіздің сатқындығы жайында ескертеді.

Бәсекелестеріңіз мұндай мүмкіндікті пайдалануға тырысады.

• Күрек тісіңіз түсіп қалса, онда жақында туған-туыстарыңызбен жанжал болады деген сөз.
• Ал тіс түскенде қан ағып, қатты ауыратын болса, онда жақындарыңыз сізді түсінбей, тіпті ұзақ уақытқа айырылысу мүмкіндігі бар екенінің белгісі.
• Тісіңіз үгітіліп, жаман иіс шықса, онда денсаулығыңызға мән беру керек.
• Азу тісіңіз сынып, оны түкіріп тастасаңыз, онда күш-қайратыңыз сарқылады деген сөз.

Түсіңізде тістің түсуі көп жағдайда денсаулығыңыз сыр береді деген мағынаны білдіреді. Сол сияқты түсіңізде тісті түкірсеңіз де сіздің немесе жақындарыңыздың денсаулығында кінәрат бар деген мағынаны білдіруі мүмкін. Сонымен бірге түсіңізде тісіңіздің жоқ болып кеткенін байқасаңыз, онда еңбегіңіз зая кетеді деген сөз.

Бұған қоса танымал түс жорамалдарында түсте қанша тістің түсуі де үлкен мағына береді. Мысалы егер бір тіс түссе, онда жағымсыз жаңалықтар болады, екі тіс түссе – бастаған ісіңіз сәтсіз аяқталады, үш тіс түссе – үлкен қиындықтар болатынын, ал бүкіл тісіңіз түссе онда қайғылы жағдай болады деген мағынаны білдіреді.

Ванганың түс жорамалы

Түсте тістің түсуін белгілі көріпкел өз ортаңыздағы адамдардың бірінің кенеттен қайтыс болуымен, ал егер түскен тіспен бірге қан болса, онда жақын туысыңыздың қайтыс болуымен байланыстырған. Сол сияқты мүлде тіссіз қалсаңыз, онда өміріңіз қызықты болады, немесе қартайғанда жалғыз болатыңызды немесе жақындарыңызға уайымдап жүргеніңізді білдіреді.

Ислам түс жорамалы

Құранды негізге ала отырып түс жоритындарда түсте тіс көруге қатысты бірнеше болжам бар. Олардың кейбірі түсте тістің түсіп қалуын ұзақ жасаумен байланыстырады, мәселен түсіңізде тісіңіз неғұрлым көп түссе, онда соғұрлым ұзақ ғұмыр кешесіз деген болжам бар. Сол сияқты тісіңіз қолыңызға түссе, онда өмірде бай адам боласыз деген сөз.

Ал барлық тістеріңіз түсіп қалса, онда сіз ата-бабаларыңдың арасында ұзақ ғұмыр жасайтын жансыз деген сөз.

Фрейдтің түс жорамалы

Белгілі психосарапшы түсте тістің түсіп қалуын адамның әлдекімдер іштегі сырын біліп қала ма деген қорқынышымен байланыстырады. Ал егер түсіңізде сіз тісіңізді әдейі орнынан қозғалтып, оны түсіруге әрекет етсеңіз, онда сіз сүйіктіңізбен жыныстық қатынасқа көңіліңіз толмай жүр деген сөз.

Жалпы түсте не көрсеңіз, соның барлығы өңіңізде орын алады деген - қате түсінік. Сол себепті қандай түс көрсеңіз де, оны іштей жақсылыққа жорыңыз.

Юнонаның түс жору кітабы

Юнонаның түс жору кітабындағы жорамалға сүйенсек, онда бұл түсті жақсылыққа жорымаған. Түс жору кітабында адамның түсінде тісінің түсіп қалуы өліммен байланысты деп жазылған. Егер тіс түскен кезде қызыл иек қанаса, онда жақын адамдардың бірі өмірден өтуі мүмкін делінеді. Түскен тісте қара дақ болса әрі таза болмаса, бұл ауру мен кедейлікті білдіреді.

Феломеннің тіс жору кітабы

Феломен де түсінде тістің түсуін жақсыға баламаған. Оның түс жору кітабында берілген мәліметке сүйенсек, адамның тісі түсіп қалса, бұл суыт хабардың белгісі болуы мүмкін.

Ал тіс түскен кезде қан болса, онда таныс, жақын адамның бірінің қазасымен байланысты болуы мүмкін деп болжам жасайды. Түсіңізде астыңғы тісіңіз немесе азу тісіңіз түсіп қалса, күш-қуатыңыз азаяды.

Лоффтың түс жору кітабы

Лоффтың түс жору кітабы бойынша түсіңізде тісіңіздің босауы тұрақсыздықтың, алда не күтіп тұрғаны белгісіз екенін білдіреді. Сіз өзіңіздің нақты психо-эмоциялық жағдайыңыздың әсерінен осындай түс көрдіңіз. Дәл қазір өмірдің ең оңай және ең жағымды кезеңін бастан өткеріп жатқан болуыңыз мүмкін. Дегенмен алдағы күндеріңіздің қалай болатынын білмейсіз, алаңдайсыз. Соның салдарынан осындай түс көруіңіз ықтимал.

Түсіңізде түсіп қалған тісіңіздің орнына жаңа тіс өсіп жатқанын көрсеңіз, бұл күш-қуат, жастық, денсаулықпен байланысты. Ал басқа адамның тісі түсіп қалғанын көрсеңіз, өзгелердің зиян тигізуінен құтылатыныңызды білдіреді. Мұндай түс жұмыс ауыстыру, жаңа іскерлік байланыс орнату немесе жаңа достар табу секілді маңызды оқиғалардың алдында көрінеді.

Хассенің түс жору кітабы

Хассе түсіңізде тістің түсуін жамандықпен байланыстырмайды. Оның жорамалы бойынша адамның түсінде тісінің түсіп қалуы ескерту болуы мүмкін. Бұл адамның көп сөйлейтінін және оған аз әрі нақты сөйлеп үйрену керегін ескертетін түс делінеді.

Сонымен қатар мұндай түс күш-қуаттың азайғанын, шешім қабылдай алмай жүргеніңізді аңдатады. Сол себептен де сізге тез арада жинақталу қажет деген белгі деп түсінген абзал.

Тіс түбірінің іріңдеуі көп дөрекі сөз айтып жүрген жағдайда түске кіреді. Ал қолдан жасалған тіс көрсеңіз, бұл өміріңізде қандай да бір өтірікпен бетпе-бет келгеніңізді білдіреді.

Кейде тіс туралы түсті шын мәнінде тісіңіз ауырып жүрген жағдайда да көруіңіз мүмкін. Сондықтан тіс дәрігеріне қаралуды да ұмытпаған жөн.