Әлем елдерінің оқушыларына түскі асқа не беріледі

Күнделікті дұрыс тамақтану адам организмі үшін аса қажет. Уақытылы, пайдалы тағамдарды жемеудің салдары денсаулыққа кері әсерін тигізеді. Әсіресе, түскі уақытта жақсылап тамақтану керек деген түсінікті те қалыптасқан. Осы ретте KAZ.NUR.KZ Social media news-ке сілтеме жасап әр мемлекеттің оқушылары түскі асқа не жейтінін анықтады.

Греция

Грек оқушылары түскі асқа буға піскен тауық пен Орсо соусын, балғын көкөністерден салат жейді. Ал десертке апельсин және анардан жасалған грек йогурты беріледі. Бұл астардың құрамы ақуыздар мен дәрумендерге бай.

Италия

Италиялық оқушылардың түскі асына балық, капрезе салаты, нан, қызанақ соусымен макарон және десертке жүзім беріледі. Бұл тағамдардың да құрамы дәрумендерге, ақуыздар мен көмірсуларға өте бай.

Финляндия

Фин оқушыларына түскі асқа бұршақтан жасалған сорпа, қызылшадан және сәбізден салат ұсынылады. Ал десерт ретінде балғын жемістермен құймақтар, сондай-ақ, баланың қалауына сәйкес қара не дәнді нан беріледі.

Франция

Француз оқушыларының түскі асы негізінен еттен тұрады. Яғни, оларға стейк, сәбіз және гарнирге фасоль, француз сыры мен балғын жемістер беріледі.

Бразилия

Бразилиялықтардың түскі асы көкөністермен байытылған. Балаларға қара үрмебұршақ, күріш, балғын жасыл салат, нан және десертке банан беріледі. Бұл тағамдардың құрамында да дәрумендер жетерлік.

Испания

Асшаяндардан жасалған соте және гарнир есебінде көкөністермен бұқтырылған күріш, гаспачо сорпасы, балғын бұрыш пен нан және десертке апельсин - испаниялық оқушылардың түскі асы.

Еске сала кетсек, бұған дейін жылдам әзірленетін кеспелерден торт жасайтын кондитерлер жайлы жазған едік.

Ең маңызды әрі қызықты жаңалықтарды біздің Telegram арнамыздан оқыңыздар!