2020 жылдың ең әдемі әйелі кім екені белгілі болды

Израиль моделі әрі актрисасы Яэль Шелбиа (Yael Shelbia) әлемдегі бет-келбеті ең әдемі әйел атанды деп хабарлайды Lenta.ru.

Жер бетінің ең сұлулары жазылған тізім TC Candler YouTube арнасында жарияланған. Мұнда жыл сайын Independent Critics рейтингі - ғаламшардың ең тартымды 100 адамының тізімі жарияланды.

19 жастағы израильдік ару тай әншісі Лиса Манобанды, австралиялық модель Мейка Вуллардты және тайвань әншісі Чжоу Цзыюйды басып озып, алғаш рет көш бастаған.

Шелбия бұған дейін де ең әдемі әйелдер тізіміне енген. Мәселен, 2017 жылы 14 орын, 2018 жылы үшінші орын, 2019 жылы екінші орын алған.

Модель өз жеңісі туралы Instagram парақшасында хабарлап үлгерген. Желі қолданушылары израильдік аруға жарыса пікір жазып, оны жеңісімен құттықтаған.

Еске сала кетсек, TC Candler платформасы 2020 жылдың ең сымбатты жігіттерін анықтап, олардың тізімін көпшілік назарына ұсынғанын жазған едік.

Сымбатты ерлер арасында рейтингті қытайлық актер әрі әнші Сяо Чжань бастаған болатын.