25 жылдық тарихы бар шалшыққа ашылған желі парақшасы жұртты таңырқатты
Опубликовано:
![Шалшық Шалшық](https://cdn.nur.kz/images/1120x630/4168e1e91e14c283.jpeg)
Ресейдің Южно-Сахалинск қаласында 25 жыл бойы билік назарынан тыс қалған шалшықтың құрметіне Instagram желісінде парақша ашылып, көпшіліктің ерекше қызығушылығын тудырды.
Ресейдің Қиыр Шығыстағы Южно-Сахалинск қаласында үлкен шалшыққа айналған жолдардың біріне 25 жылдан астам уақыт бойы ешкім жөндеу жұмыстарын жүргізбеген. Бұл жайтқа көпшіліктің назарын аудару мақсатында жергілікті тұрғындар Instagram желісінде Ya_Luzha_u_doma атты парақшаны аталмыш шалшықтың құрметіне ашып береді.
![Шалшық Шалшық](https://cdn.nur.kz/images/1120/697196117d6662fe.jpeg)
Бүгінде шалшықтың желідегі парақшасына 16 мыңнан астам адам жазылған.
Парақшаның сипаттамасында айтылғандай, бұл шалшық Южно-Сахалинскінің Тихоокеанская көшесіндегі 10 үйдің жанында орналасқан.
![Шалшық Шалшық](https://cdn.nur.kz/images/1120/915f0c34d2e37457.jpeg)
Аккаунт авторының сөзіне сенсек, алғашқы күні "шалшықтың" парақшасына 6 адам ғана жазылған. Екінші күні жазылушылар саны 40-қа жетеді.
![Шалшық Шалшық](https://cdn.nur.kz/images/1120/ef69cc6c59a602ed.jpeg)
Мәскеу жол радиосы бұл парақша туралы өз хабарларының бірінде сөз еткеннен кейін жазылушылар саны күрт артып, екі мыңға жетіпті.
![Шалшық Шалшық](https://cdn.nur.kz/images/1120/253df1a200fc66f3.jpeg)
Сонымен, бұл шалшықтың ерекшелігі неде?
Қарапайым шалшыққа ерекше қызығушылық тудыруға ол жерде тұрып жатқан жандардың да әсері бар. Олар шалшықтың маңында түрлі суреттерге түсуде.
![Шалшық Шалшық](https://cdn.nur.kz/images/1120/3270c89d8b05c486.jpeg)
![Шалшық Шалшық](https://cdn.nur.kz/images/1120/c93b989b4402df4d.jpeg)
Парақша авторының айтуынша, ол биліктен 2017 жылы жолды шалшықтан тазартуды өтінген. Өтінішті қабылдап, тазартуға уәде берген биліктің ресми хаты да автордың қолында бар болып шықты.
![Шалшық Шалшық](https://cdn.nur.kz/images/1120/cdb545a52e766108.jpeg)
Содан бері 4 жыл өтсе де шалшыққа шенділердің назары ауа қоймаған екен.
![Шалшық Шалшық](https://cdn.nur.kz/images/1120/6ad9875120409a16.jpeg)
Мақаланың түпнұсқасы: https://kaz.nur.kz/kaleidoscope/1893196-25-zyldyk-tarihy-bar-salsykka-asylgan-zeli-paraksasy-zrtty-tayrkatty/