Әлемдегі ең қымбат 10 зәулім үй

Әлемнің әр түкпірінде орналасқан ең қымбат он зәулім үйді bigpicture.ru сайты назарға ұсынды.

10-орын. Mail.ru Group пен DST Global компаниясының ортақ иеленушісі Юрий Милнердің Лос-Альтос-Хиллз қаласында орналасқан үйі.

Құны, әртүрлі ақпарат көздеріне сәйкес, 75-100 миллион долларды құрайды.

Ауданы 2400 м² құрайтын үйде бес жатын бөлмесі, тоғыз жуынатын бөлме, үй кинотеатры, кештер өткізуге арналған зал және жаттығу залы бар.

9-орын. Maison de l’Amitie, Палм-Бич (Флорида штаты)

Құны — $100 млн. Дональд Трамп Maison de l’Amitie жекежайын 2004 жылы $41,4 млн-ға сатып алып, төрт жылдан кейін "Уралкалий" директорлар кеңесінің төрағасы Дмитрий Рыболовлевке $100 млн-ға сатып жіберген.

Үйде 18 жатын бөлмесі, 22 жуынатын бөлме, 48 көлікке гараж бар.

8-орын. Fleur De Lys жекежайы

Құны — $125 млн. Ауданы 3809 м² зәулім үйде 15 бөлме бар. Есімін жасырын қалдырған үйдің қожайыны оны айына $400 000-ға жалға беруді жоспарлап отыр.

Мәрмәр мен алтын жалатылған дауалдар, сәнді бөлмелер мен сирек кездесетін кітаптарға толы жеке кітапхана үйді ерекше құнды ете түседі.

7-орын. Америкалық продюсер Аарон Спеллингтің үйі

Құны — $150 миллион. 100 көлікке арналған гаражы мен, тіпті сыйлық қаптайтын бөлмесі бар үй көздің жауын алады.

6-орын. Элиталық шипажайдың иелері Тим мен Эдре Бликсеттің үйі

Құны — $155 млн. 64 гектар жері, 8 жатын бөлмесі және 10 жуыну бөлмесі бар.

5-орын. Украинаның бұрынғы президентінің қызы Елена Франчукқа тиесілі үй

Кенсингтондағы үйдің құны — $161 миллион. 10 жатын бөлмесі, жерасты бассейні, кинотеатры және жеке бункері бар.

4-орын. Hearst сарайы

Құны — $165 млн. Үш бассейні, 29 жатын бөлмесі және кинотеатры бар. Зәулім үйде кезінде әйгілі "Крестный отец" фильмі түсірілген болатын.

3-орын. Fairfield Pond жекежайы

Ауданы 6131 м² болатын үйдің баскетбол алаңы, боулинг бөлмесі, 150 мың долларлық джакузиі бар. Құны — $198 млн.

2-орын. II Леопольдтің сарайы

Сарайды Бельгия патшасы II Леопольд 1902 жылы әйелі Каролина Лакруаға салған. Бүгінде оның құны $736 миллионға жетіп отыр.

Вилланың бұрынғы иесі банкир-миллиардер Эдмонд Сафра мұнда Рональд Рейган мен Фрэнка Синатраны қонақ еткен. 2008 жылы вилланы ресейлік миллиардер Михаил Прохоров сатып алмақ болады. Алайда дағдарыс салдарынан ол бұл ойынан айнып қалады.

1-орын. Арабия теңізі маңында орналасқан 27-қабатты үй

Үйдің иесі - Үндістандағы және әлемдегі ең бай адамдардың бірі Мукеши Амбани. Құны — $1 млрд.

Үйдің жеке үш тікұшақ қонатын алаңы, әуе қозғалысын басқару орталығы, бассейні, кинотетары, алты деңгейлі тұрағы мен ойын-сауық орталығы бар.

Мәтіннен қате тапсаңыз, бізге жазыңыз