RU

Әсемдігімен көз тартатын Венециядан өзге су үстінде тұрған қалалар жайлы не білеміз

Удайпур қаласы
Фото: bigpicture.ru

Мыңдаған жылдар бұрын қытайлық құрылысшылар тек қайықтармен жүре алатын елді мекендер салған. Еуропада ежелгі Брюгге қаласының каналдарында қайықпен серуендеу арқылы орта ғасырлардың дәмін сезінесіз, ал Үндістанда жас жұбайлар романтиканы іздеп, әлемнің екінші шетіне бармайды, себебі мұнда іргесі суда қаланған әсем әрі ежелгі қала Удайпур сақталған. Bigpicture.ru әлемге әйгілі Венеция қаласынан бөлек суда орналасқан тағы 5 қаланы назарларыңызға ұсынды.

Вучжен, Қытай

Қытайда судағы қалалар жиі кездеседі, туристік агенттіктер тіпті Шығыс Венецияға толыққанды турлар ұсынады.

Вучжен қаласы
Фото: bigpicture.ru

Янцзы өзенінің аймағында су үстіндегі бірқатар қала бар. Олардың ішінде Вучжен ерекше сипатқа ие.

Вучжен қаласы
Фото: bigpicture.ru

Оның тарихы ежелгі дәуірден бастау алады. Ғалымдардың есептеуінше, адамдар мұнда осыдан 7000 жыл бұрын қоныс аудара бастаған.

Вучжен қаласы
Фото: bigpicture.ru

Вучжен Қытайдағы судағы барлық қалаларына қарағанда жақсы сақталған және туристер арасында да аса танымалдыққа ие. Қаланың көп бөлігі көне ғимараттардан тұрады.

Чжоучжуан, Қытай

Қытайдың ежелгі қалаларының бірі Тайху көлінде орналасқан. Чжоучжуан көшелерін шағын өзендер құрайды. Көл орталық алаң болып саналады. Бұл қала қытайлық туристер арасында аса танымал, ал шетелдіктер мұнда сирек келеді.

Чжоучжуан қаласы
Фото: bigpicture.ru

Қалада ежелгі тас көпірлер, қара жабынқышы мен қызыл есіктері бар аппақ үйлер сақталған.

Чжоучжуан қаласы
Фото: bigpicture.ru

Қаладағы ең көне ғимараттардың тарихы тоғыз ғасырдан асады. Чжоучжуанның ең көрнекті жерлерінің бірі – XI ғасырда Сун династиясы кезінде салынған Ченгксу ғибадатханасы.

Чжоучжуан қаласы
Фото: bigpicture.ru

Ченгсудің керемет сәулеті ғана емес, ғибадатханаға апаратын ұзын тас көпір де туристерге жағымды әсер сыйлайды.

Удайпур, Үндістан

Үндістандық жас жұбайлар бал айын ерекше қала Удайпурда өткізгенді ұнатады. Мұнда әсемдігімен көзге түсетін керемет бекіністер мен сарайлар сақталған.

Удайпур қаласы
Фото: bigpicture.ru

Удайпур үш үлкен көлдің арасында орналасқан. Оның көрікті жерлерінің бірі – "Көлдегі сарай". Ол Пичола көлінің дәл ортасына салынған және бір кездері үнді билеушілерінің жазғы резиденциясы болған.

Удайпур қаласы
Фото: bigpicture.ru

Қазіргі уақытта "Көлдегі сарай" қонақ үйге айналған. Бұл Үндістандағы ғана емес, бүкіл әлемдегі ең сәнді қонақ үй болып табылады. Удайпурда судағы ғаламат сәулетімен қызықтырар ежелгі ғимараттардан бөлек, Фатех көлінің айналасында көптеген саябақ бар.

Удайпур қаласы
Фото: bigpicture.ru

Брюгге, Бельгия

Брюгге – Бельгияның Батыс Фландрия провинциясының астанасы. Мұнда тарихи ғимараттар Венециядағыдай жақсы сақталған.

Брюгге қаласы
Фото: bigpicture.ru

Брюггеде ортағасырлардағы жайлы үйлердің бойымен көптеген арналар арқылы қайықпен жүзуге болады.

Брюгге қаласы
Фото: bigpicture.ru

Қала арқылы үш үлкен канал өтеді: Гент, Слейс және Остенд. Олардың тереңдігі тіпті теңіз кемелерінің де өтуіне мүмкіндік береді. Бірақ қаланың орталық бөлігінде шағын көшелерді құрайтын шағын каналдарда тек шағын қайықпен жүзе аласыз.

Брюгге қаласы
Фото: bigpicture.ru

Қалада барлығы 54 көпір бар, олардың арасында үлкен кемелердің өтуіне арналған ашпалы көпірлер бар.

Мескальтитан, Мексика

Мексикада да өзінің Венециясы бар. Ол Мескальтитан қаласы деп аталады. Шаһар Наярит штатының жағалауындағы аралда орналасқан. Оны Мексикадағы ең кең мангр тоғайы қоршап тұр, олардың арасында көптеген арна ағып жатыр.

Мескальтитан қаласы
Фото: bigpicture.ru

Қала жыл сайын жаңбырлы маусымда, яғни тамыз-қыркүйек айларында Венецияға айналады. Көшелер суға толып, жергілікті тұрғындар каноэға отырады.

Мескальтитан қаласы
Фото: bigpicture.ru

Аңыз бойынша, Мескальтитан ацтектер өркениетінің бесігі болған ежелгі Ацтлан қаласының орнында орналасқан.

Мескальтитан қаласы
Фото: bigpicture.ru

1091 жылы олар оңтүстікке қоныс аударды, содан кейін олар Теночтитланды (қазіргі Мехико) құрды деп саналады.

Мақаланың түпнұсқасы: https://kaz.nur.kz/kaleidoscope/1921922-asemdegimen-koz-tartatyn-veneciyadan-ozge-su-ustinde-turgan-qalalar-zaily-ne-bilemiz/