Қазан тұрғыны әйелін жыланмен шатастырып, аяғын сындырды

Қазан тұрғыны әйелін жыланмен шатастырып, темірмен ұрған. Қазіргі уақытта аяғы сынған келіншек ауруханада жатыр, деп хабарлайды kazan.aif.ru.

Қазанның №7 қалалық ауруханасы ұсынған ақпаратқа сәйкес, әйел жыланның суреті бейнеленген пижамамен аяғын көрпеден шығарып ұйықтаған. Сол уақытта күйеуі оны жылан деп ойлап, темірмен соғып-соғып жіберген.

Қазан тұрғыны клиникаға жеткізілді. Дәрігерлер әйелдің аяғының бірнеше жерден сынғанын анықтап, операция жасады. Қазіргі уақытта ол ауруханада тиісті ем алып жатыр.

Еске сала кетейік, бұған дейін түсіңізде жылан көру нені білдіретіні туралы ақпарат жариялаған болатынбыз.

Мақаланың түпнұсқасы: https://kaz.nur.kz/kaleidoscope/1976109-qazan-turgyny-aielin-zylanmen-satastyryp-ayagyn-syndyrdy/