Испанияда 9 минутта толық қуатталатын смартфон таныстырылды (видео)

Қытайдың Realme компаниясы 9 минут ішінде толық қуатталатын смартфон жасап шығарды, деп хабарлайды "Хабар24" телеарнасы.

Телеарнаның мәліметінше, "ДжТи 3" деп аталатын жаңа смартфон Испаниядағы ұялы телефондарға арналған халықаралық конференцияда таныстырылған.

Компания өкілдерінің айтуынша, смартфонның 30 секундық қуаты 2 сағат сөйлесуге жетеді.

Еске салайық, бұған дейін Қазақстан мұсылмандар діни басқармасының өкілдері ұялы телефондағы қоңырау үніне құранды қоюға бола ма деген сауалға жауап берген еді.

Дін өкілдерінің айтуынша, ислам зерттеулерінде құран аяттарын қоңырау үніне қою харам деп көрсетілген.

Ал қоңырау үніне құранды таңертең оятқыш ретінде қоюға рұқсат. Бірақ оның өзінде бірқатар шартты сақтау қажет.