Ата-анасы 5 жасар қызын мектепке баруға ынталандыру үшін оған "Гелендваген" сыйлады (видео)
Опубликовано:
Малайзияда ерлі-зайыптылар бес жасар қызын мектепке қайта оралуға көндіру үшін оған Mercedes G Wagon көлігін сыйға тартқан.
The sun сайтының жазуынша, 5 жасар Фатима ауырып қалғаннан кейін мектепке қайта баруға ынтасы болмаған.
Дегенмен, кішкентай қыз егер ата-анасы туған күніне сәнді көлік сыйласа, ол мектеп қайта баруға уәде берген.
Осылайша, ата-анасы қызының қалауын орындап, оның бес жасқа толуына орай және мектепке қайта баруға ынталандыру мақсатында Фатимаға Mercedes G Wagon көлігін сыйға тартқан. Бұл сәттің видеосын Фатиманың кәсіпкер анасы Фархана Захра TikTok парақшасында бөліскен.
MalayMail хабарлауынша, Фатима биыл қаңтар айынан бастап мектепке баруды тоқтатқан, ол ауруына байланысты үйде отыруға мәжбүр болған.
Алайда қыз баланың жағдайы жақсарғанымен, ол ата-анасына әлі кішкентай екенін айтып, мектепке оралғысы келмеген.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/kaleidoscope/2017708-5-zasar-qyzdyn-ata-anasy-ony-mektepke-baruga-yntalandyru-usin-gelendvagen-syilady-foto-video/