Шығыс Қазақстанда қар барысы түн ортасында камераға түсіп қалды (видео)

Шығыс Қазақстанда Катонқарағай ұлттық саябағында түн ортасында серуендеп жүрген қар барысы камераға түсіп қалды. Кадрларды орман шаруашылығы басқармасының өкілдері көрсетті, деп хабарлайды KAZ.NUR.KZ.

Қар барысы түсірілген видео Катонқарағай мемлекеттік табиғи қорығының Instagram желісіндегі парақшасында жарияланған.

Түнде түсірілген кадрларда аласа жартастың жанында жүрген жабайы жануарды көруге болады. Ол жартастың айналасында иіскелеп, бірдеңе іздегендей жүргені көрінеді.

Ұлттық саябақ өкілдерінің хабарлауынша, видео Аршаты орман шаруашылығында орнатылған камераға түсірілген.

Айта кетейік, бұған дейін Алматы хайуанаттар бағы Паша мен Лола атты шимпанзелердің сурет салып отырған видеосын жариялаған болатын.

Мәтіннен қате тапсаңыз, бізге жазыңыз