"Әлем аруы – 2024" байқауына Қазақстан атынан кім қатысады (фото)

"Қазақстан аруы – 2022" байқауының жеңімпазы Томирис Кәкімова "Әлем аруы" халықаралық сұлулық байқауында Қазақстанның атынан шығады. Бұл туралы KAZ.NUR.KZ хабарлайды.

"Әлем аруы" финалы 9 наурызда Мумбаида өтеді, деп хабарлады "Қазақстан аруы" байқауының дирекциясы. Оған 120 елден қыздар қатысады.

18 ақпанда Томирис Нью-Делиге ұшып кетті, онда ол үш апта бойы сұлулық байқауына қатысуға дайындалады. Биыл байқау "Сұлулық игілік үшін" ұранымен өтеді.

Томирис халықаралық сахнаға бірден бірнеше дизайнердің - Азамат Арғымбаев, Айжан Бегасыл және Алмаза Аскаридің киімдерімен шығады", - деді дирекция өкілдері.

Томирис байқауға бірнеше көйлек киіп шығады. Мысалы, "Інжу-маржан" кешкі көйлегі 15 метрлік табиғи органзадан тігілген және 3000 Swarovski кристалымен және екі мыңнан астам табиғи інжу-маржанмен безендірілген.

"Ханшайым" ұлттық көйлегі - еліміздің туын еске түсіретін көгілдір кестелі сәнді бұйым. Бас киімде "Алтын адам" элементтері бейнеленген, ал сәукелесі заманауи технологиялар мен көне әдістер біріктіріліп әзірленген.

Байқаудың қайырымдылық аукционында Томирис қазақстандық әнші Димаш Құдайбергеннің домбырасын алып шығады.

Еске салайық, Томирис Кәкімова 2022 жылы Қазақстан аруы тәжін иеленген болатын. Алғашқы сұхбатында ол "тәждің аздап қысатынын" айтқан еді.