Индонезияда алып питон 50 жастағы әйелді жұтып қойды
Жарияланған күні:
![Питон Питон](https://cdn.nur.kz/images/1120x630/fc01106c701795da.jpeg)
Индонезияда алып питон 50 жастағы әйелді жұтып қойды. Марқұм жыланның асқазанынан бір күннен кейін табылған, деп жазады BBC.
Басылым мәліметінше, төрт баланың анасы, Калемпанг ауылының тұрғыны Фарида үй маңындағы орманда жоғалып кеткен. Ол бақшасындағы көкөністерді сату үшін базарға бара жатқан.
Түнде Фарида үйге оралмаған соң күйеуі уайымдап, көршілерімен бірге оны іздеуге кіріседі. Ал келесі күні олар бұталардың арасынан іші үлкейген алты метрлік алып питонды көреді. Ауыл тұрғындары жыланның қалың терісін кесіп, әйелді оның асқазанынан табады.
Фариданың күйеуі Нони әйелін базарға жалғыз жібергеніне өкініп отыр.
"Егер оның қасында болсам, питон жақындамас еді. Қалай қиналғанын елестете де алмаймын", - деді ол.
Калемпанг ауылының ақсақалы питонның асқазанынан құрбанды алып шығуға бірнеше ауылдың тұрғыны көмектескенін айтты.
Мақаланың түпнұсқасы: https://kaz.nur.kz/kaleidoscope/2114592-indoneziiada-alyp-piton-50-zhastagy-aieldi-zhutyp-qoidy/