Канадалық жасөспірім пого-стикте секіріп, Рубик кубигін жинаудан Гиннесс рекордын орнатты (видео)

UPI.com сайтының хабарлауынша, Жаңа Шотландияда тұратын 16 жастағы Сол Хафтинг пого-стикте үздіксіз секіре отырып, 211 Рубик кубигін жинап шықты, деп жазды KAZ.NUR.KZ.

Канаданың Жаңа Шотландия провинциясындағы Аннаполис-Ройал қаласының тұрғыны Сол Хафтинг ресми түрде Гиннесс рекордтар кітабына енді. 16 жастағы жасөспірім "шегіртке" деп те аталатын арнайы серіппелі тренажер — пого-стикте үздіксіз секіру кезінде жиналған Рубик кубиктерінің саны бойынша жаңа әлемдік рекорд орнатты.

Бір сағат 12 минутқа созылған үздіксіз секіру сеансы барысында Хафтинг 211 басқатырғышты жинап үлгерді. Осылайша, канадалық жасөспірім бұған дейінгі 65 кубиктен тұратын әлемдік рекордты айтарлықтай жаңартты. Жасөспірімнің айтуынша, ол Рубик кубигін жинаумен шамамен алты жылдан бері айналысады, ал бұл дағдыны пого-стикте секірумен ұштастыру идеясын интернеттен көрген.

Рекордты тіркеуге дайындық шамамен үш айға созылды. Канадалық жасөспірім күніне 10 минуттан бастап, үздіксіз секіру уақытын біртіндеп арттырып отырды. Ұзаққа созылған әрекет кезінде жарақаттанбау және тренажердің металл бөлшектерінен терісін қажап алмау үшін Хафтинг қалың шалбардың астынан тізеқап киюге мәжбүр болды. Жасөспірім жақын арада жаңа рекорд орнатуды жоспарлап отырмағанын, бірақ біреу оның нәтижесінен асып түссе, титулын қайтарып алуға міндетті түрде әрекет жасайтынын атап өтті.

Мәтіннен қате тапсаңыз,бізге жазыңыз