Лос-Анджелесте Джордж Лукас мұражайы ашылды

Лос-Анджелесте Джордж Лукастың Наративтік өнер мұражайының салтанатты ашылу рәсімі өтті. The Blast басылымының хабарлауынша, іс-шараға танымал актерлер, режиссерлер мен мемлекет қайраткерлері жиналды, деп жазды KAZ.NUR.KZ.

Лос-Анджелесте Джордж Лукастың Наративтік өнер мұражайының (Lucas Museum of Narrative Art) ашылуына орай салтанатты кеш өтті. Іс-шараға америкалық киноиндустрия, шоу-бизнес және саясат саласының танымал тұлғалары қатысты. "Звездные войны" франшизасының авторы мен оның жұбайы Меллоди Хобсон кешен ресми түрде көпшілікке ашылмас бұрын қонақтарды қарсы алды.

Қонақтар арасында режиссердің бұрынғы әріптестері байқалды. Олардың қатарында Стивен Спилберг, актерлер Марк Хэмилл, Харрисон Форд және Мейс Винду рөлін сомдаған Сэмюэл Л. Джексон бар. Джексон өз кейіпкерінің мүсінімен суретке түсті. Сондай-ақ кешке Хейден Кристенсен, Ахмед Бест, Дэйв Филони, Кэти Перри, Ким Кардашьян, Льюис Хэмилтон, Опра Уинфри және фортепианода өнер көрсеткен әнші Джон Батист барды. Одан бөлек іс-шараға Калифорния губернаторы Гэвин Ньюсом мен АҚШ Өкілдер палатасының экс-спикері Нэнси Пелоси қатысты.

Марк Хэмилл сұхбатында мұражайды Чикагоны қоса алғанда, басқа қалаларда орналастыру әрекеттері сәтсіз аяқталғаннан кейін, Лос-Анджелесте салу мүмкін болғанына қуанышты екенін жеткізді. Экспозишн-парктегі ауданы 11 акр болатын кешенде "Звездные войны" туындысының түпнұсқа реквизиттері, комикстер, кескіндеме туындылары мен кинематографиялық артефактілерді қоса алғанда, 40 мың экспонат сақталады. Наративтік өнер мұражайының барлық келуші үшін ресми ашылуы 22 қыркүйекке жоспарланған.

Мәтіннен қате тапсаңыз,бізге жазыңыз