70 градус ыстыққа төзімді "отты амебаның" табылуы өзге планеталардағы тіршілікті іздеуге тың серпін берді

Space.com басылымының жазуынша, ғалымдар ыстық бұлақтарда тіршілік ете алатын эукариоттық ағзаны анықтады, бұл тіршілікке қолайлы орта туралы түсінікті өзгертеді, деп хабарлады KAZ.NUR.KZ.

Биологтар "отты амеба" деген атпен белгілі Incendiamoeba cascadensis амебасының жаңа түрін ашты, ол күрделі эукариоттық ағзалар арасында ыстыққа төзімділік бойынша рекорд орнатты. Микроағзаның үлгілері Калифорния штатындағы Лассен-Волканик ұлттық саябағының геотермалдық ыстық бұлақтарынан жиналды. NASA гранты арқылы жүзеге асырылған бұл жаңалық Cell ғылыми журналында жарияланды.

Бұған дейін эукариоттардың күрделі жасушалары өте жоғары температурада көбейіп, белсенді қызмет атқара алмайды деп есептелетін. Алайда табылған амеба Цельсий бойынша 57-63 градус температурада тіршілік қабілетін сақтап, бөліне алады, сондай-ақ қысқа мерзімді жоғары температураға да төтеп береді. Сиракуз университетінің зерттеушілері Берил Раппапорт пен Анджела Оливерионың айтуынша, бұл деректер күрделі органикалық тіршіліктің төзімділік шегі ғылым болжағаннан әлдеқайда кең екенін дәлелдейді.

Бұл жаңалық астробиология және өзге планеталық өркениеттерді немесе микроағзаларды іздеу үшін маңызды. Мұндай экстремофилдер эукариоттық тіршіліктің бұрын тіршілікке жарамсыз деп саналған, геотермалдық белсенділігі жоғары ыстық экзопланеталар мен су әлемдерінде де болуы мүмкін екенін көрсетеді.

Мәтіннен қате тапсаңыз, бізге жазыңыз