30 долларға сатып алынған картина 1,35 миллион долларға бағаланды

Чикаголық танымал суретшінің жоғалған туындысы Мичигандағы гараж сатылымынан кездейсоқ табылды, деп хабарлады UPI.com басылымына сілтеме жасаған KAZ.NUR.KZ.

Мичиган штатындағы сатылымнан небәрі 30 долларға кездейсоқ сатып алынған чикаголық сюрреалист суретші Гертруда Аберкромбидің картинасы Нью-Йорктегі Freeman's аукцион үйінде 1,35 миллион долларға сатылды. 1951 жылы жазылған Alderman Merriam's Shells ("Ракушки олдермэна Мерриама") атты туынды Аберкромби шығармаларының құны бойынша жаңа әлемдік рекорд орнатты.

Аберкромби 20х28 сантиметрлік шағын суретті 1952 жылы Каламазу қаласының дәрігері Джон Рейнольдске медициналық қызметі үшін ақы ретінде сыйлаған. Картина 1950 жылдардың басында мұражайларда қойылған, содан кейін 75 жылға жуық уақыт бойы көпшіліктің назарынан тыс қалған. Жазда суреттің сыртқы жағындағы суретшінің қолтаңбасын байқаған сатып алушы туындыны қайтыс болған дәрігердің үйіндегі заттар сатылымынан сатып алған.

Лоттың алдын ала бағасы 150 мыңнан 250 мың долларға дейін деп белгіленген, алайда түпкілікті баға эстимейттен он есе асып түсті. Өнертанушылар бұл суретті сюрреалист суретшінің шығармашылығындағы маңызды кезең деп атайды: онда кейіннен оның фирмалық белгісіне айналған жарылған қабыршақ мотиві алғаш рет пайда болған. Реставраторлар сатылым алдында суретті тазартып, оған бастапқы қалпын қайтарды.

Мәтіннен қате тапсаңыз, бізге жазыңыз