Суматра мүйізтұмсықтары жұп таба алмағандықтан жойылып кету алдында тұр

Әлемде 50-ден аз суматра мүйізтұмсығы қалды, енді жануарлар әр түрлі аралдарға шашырап кеткендіктен, жұп таба алмай жатыр, деп жазды SciTechDaily-ге сілтеме жасаған KAZ.NUR.KZ.

Популяцияның бытыраңқылығы түрдің аман қалуына басты қауіп төндіріп отыр. Қалған даралар Индонезияның екі аралында шағын топтармен мекендейді. Жабайы табиғатта жалғыз жүрген жануарлардың қолайлы жұпты кездестіру мүмкіндігі болмай отыр. Салдарынан оқшауланған мүйізтұмсықтар ұрпақ қалдырмауда.

Сирек кездесетін түрді сақтап қалу үшін Халықаралық мүйізтұмсықтар қоры Суматрадағы Вей-Камбас ұлттық саябағында арнайы қорық құрды. Онда табиғи ортаға жақын жағдайда 10 мүйізтұмсық тіршілік етеді. Олар ветеринарлардың тұрақты бақылауында және қажетті тамақпен қамтамасыз етілген.

Мамандардың күш-жігері алғашқы нәтижесін беруде. 2012 жылдан 2023 жылға дейін қорықта бес төл дүниеге келді, ал жақында зоологтар аналықтардың тағы екеуінің буаз екенін хабарлады. Алайда көбею баяу жүріп жатыр: ұрықты көтеру шамамен 16 айға созылады, ал босану арасындағы үзіліс бірнеше жылға жетуі мүмкін.

Жағдайды браконьерлік қиындатып тұр. Қытай мен Вьетнамда мүйізтұмсық мүйізіне деген сұраныс артып келеді, онда оны дәстүрлі медицинада қолданады және жоғары мәртебе символы деп санайды. Түрді сақтап қалу үшін экологтар жануарларды қайта қоныстандыруды және оларды қорғауға жергілікті қауымдастық тұрғындарын тартуды ұсынып отыр.

Мәтіннен қате тапсаңыз, бізге жазыңыз